ପାରମ୍ପରିକ ଟେରାକୋଟା ଶୈଳୀରେ ପୂଜା ପାଇଲେ ଶ୍ରୀଗଣେଶ

ଭୁବନେଶ୍ୱର: ରାଜ୍ୟର ସବୁଆଡ଼େ କରୋନା ପାଇଁ ସିଦ୍ଧିଦାତା ବିନାୟକଙ୍କ ପୂଜା ନିରାଡ଼ମ୍ବର ଭାବେ ପାଳିତ ହୋଇଯାଇଛି। ଏହି ପରିପ୍ରେକ୍ଷୀରେ ଧଉଳି ଚାରୁକଳା ମହାବିଦ୍ୟାଳୟରେ ମଧ୍ୟ ବିଧିରକ୍ଷା ପାଇଁ ନିରାଡ଼ମ୍ବରଭାବେ ପୂଜା ପାଇଛନ୍ତି ଅଗ୍ରପୂଜ୍ୟ ବିନାୟକ।
ଏଠାରେ ପୂଜା ପାଇଥିବା ଗଣେଶ ମୂର୍ତ୍ତିକୁ ଛାତ୍ର ପଙ୍କଜ କୁମାର ବେହେରା ନିଆରାଢଙ୍ଗ ଓ ଖୁବ୍‍ କମ୍‍ ସମୟରେ ଗଢ଼ିଛନ୍ତି। ଓଡ଼ିଶାର ପାରମ୍ପରିକ ଟେରାକୋଟା ଶୈଳୀରେ ଏହି ମୂର୍ତ୍ତି ଗଠନ କରିବାକୁ ପଙ୍କଜଙ୍କୁ ମାତ୍ର ଦୁଇ ଘଣ୍ଟା ସମୟ ଲାଗିଥିଲା। ଏହି ଶୈଳୀରେ ମୂର୍ତ୍ତିଗଠନ କରି ପଙ୍କଜ ଆମ ପରମ୍ପରାକୁ ଋଦ୍ଧିମନ୍ତ କରିବା ପାଇଁ ବାର୍ତ୍ତା ଦେଇଛନ୍ତି। ଦୁଇ ଫୁଟର ଏହି ଟେରାକୋଟା ଶୈଳୀର ମୂର୍ତ୍ତିରେ ସ୍ଥାନେ ସ୍ଥାନେ ହାଲୁକା ରଙ୍ଗର ପ୍ରୟୋଗ ହୋଇଛି। ମହାବିଦ୍ୟାଳୟର ଅଧ୍ୟକ୍ଷ ପଞ୍ଚାନନ ସାମଲଙ୍କ ସହ ୨ଜଣ ଅଧ୍ୟାପକ ସାମାଜିକ ଦୂରତା ରକ୍ଷାକରି ଗଣେଶଙ୍କୁ ଆରାଧନା କରିଥିଲେ ଏବଂ ଏପରି ବିଷମ ପରିସ୍ଥିତିରୁ ସମସ୍ତେ କିପରି ମୁକୁଳିବେ ସେଥିପାଇଁ ପ୍ରାର୍ଥନା କରିଥିଲେ।

Comments
Loading...