ହାଇଦ୍ରାବାଦ: ସମ୍ପ୍ରତି ତେଲେଙ୍ଗାନା ଯୁକ୍ତ ଦୁଇ ପରିଷଦ ଦ୍ୱାରା ଆୟୋଜିତ ଯୁକ୍ତ ଦୁଇ ପରୀକ୍ଷା ଫଳ ବାହାରିବା ପରେ ୨୦ରୁ ଅଧିକ ଛାତ୍ରଛାତ୍ରୀ ଆତ୍ମହତ୍ୟା କରିଥିବା ବେଳେ ଖାତା ମୂଲ୍ୟାୟନ ବେଳେ ୯୯ ବଦଳରେ ଶୂନ୍ୟ ମାର୍କ ଦେବା ଅଭିଯୋଗରେ ଜଣେ ଶିକ୍ଷକଙ୍କୁ ନିଲମ୍ବନ କରାଯାଇଛି। ଏ ନେଇ ଗଠିତ କମିଟି ସରକାରଙ୍କୁ ରିପୋର୍ଟ ଦେବା ପରେ, କାର୍ଯ୍ୟରେ ଅବହେଳା ପ୍ରଦର୍ଶନ କରିଥିବା ଶିକ୍ଷକମାନଙ୍କ ବିରୁଦ୍ଧରେ ତେଲେଙ୍ଗାନା ଯୁକ୍ତ ଦୁଇ ପରିଷଦ ପଦକ୍ଷେପ ନେବା ଆରମ୍ଭ କରିଛି। ପରିଷଦ ସ୍କୃଟିନାଇଜର ଦାୟିତ୍ୱରେ ଥିବା ଜଣେ ଆଦିବାସୀ ଶିକ୍ଷକ ବିଜୟ କୁମାରଙ୍କୁ ମଧ୍ୟ କାର୍ଯ୍ୟରୁ ନିଲମ୍ବନ କରାଯାଇଛି।
ଏତେ ବଡ ତ୍ରୁଟି ପାଇଁ ପରିଷଦର ବରିଷ୍ଠ ଅଧିକାରୀ ଓ ଆଇଟି କମ୍ପାନୀ ଗ୍ଲୋବଆରେନା ଟେକ୍ନୋଲୋଜି ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଛାତ୍ର ଓ ଅଭିଭାବକମାନେ ଦାବି କରିଛନ୍ତି। ଅନ୍ୟ ପକ୍ଷରେ ୨୦ଛାତ୍ରଙ୍କ ଆତ୍ମହତ୍ୟା ପରେ ପ୍ରାୟ ୩ଲକ୍ଷ ଫେଲ ପିଲାଙ୍କ ଉତ୍ତର ଖାତା ପୁନଃ-ମୁଲ୍ୟାୟନକୁ ସରକାର ଦେୟ ମୁକ୍ତ କରାଯାଇଛି।
Comments are closed.