ଦିନ ଦିପ୍ରହରେ ବୁଲୁଛନ୍ତି ବନ୍ଧୁକ ଧାରୀ ଦୁର୍ବୁତ୍ତ

ତେଲକୋଇ; ଦିନ ଦିପ୍ରହରେ ବୁଲୁଛନ୍ତି ବନ୍ଧୁକ ଧାରୀ ଦୁର୍ବୁତ୍ତ। ଏଭଳି ଘଟଣା ଦେଖିବାକୁ ମିଳିଛି ତେଲକୋଇ ଥାନା ଅନ୍ତର୍ଗତ ଖୁଣ୍ଟାପଡା ଗାଁରେ। ରାସ୍ତାରେ ଲୋକଙ୍କୁ ଅଟକାଇ ବନ୍ଧୁକ ଦେଖାଇ ହତ୍ୟା ଧମକ ଦେବା ଭଳି ଘଟଣା ସାମନାକୁ ଆସିଛି। ଏନେଇ ତେଲକୋଇ ଥାନାରେ ଅଭିଯୋଗ ପରେ ଅଭିଯୁକ୍ତ ଯୁବକଙ୍କୁ ଥାନାରେ ରଖିଛି ତେଲକୋଇ ପୁଲିସ। ପୂର୍ବ ଶତ୍ରୁତାକୁ ନେଇ ଏଭଳି ଘଟଣା ଘଟିଥିବା ଜଣାପଡିଛି। ଗତ ମେ ମାସ ୨୪ ତାରିଖ ବିଳମ୍ବିତ ରାତିରେ ଅଭିଯୁକ୍ତ ତ୍ରିନାଥ ସାହୁ ତାଙ୍କ ସର୍ମଥକଙ୍କ ସହିତ ଅଭିଯୋଗକାରୀ ମେଘମୂଖୀଙ୍କ ଘରକୁ ଯାଇ ମେଘ ମୂଖୀଙ୍କ ନବଵିବାହିତ ବୋହୁଙ୍କୁ ଅପହରଣ ପାଇଁ ଉଦ୍ୟମ କରିଥିଲା। ତେବେ ରାତିରେ ପାଟିଶୁଣି ସାହି ଲୋକ ରୁଣ୍ଡ ହୋଇଯାଇଥିଲେ। ସାହି ଲୋକଙ୍କୁ ଦେଖି ତ୍ରିନାଥଙ୍କ ସାଥିମାନେ ଦୌଡି ପଳାଇ ଯାଇଥିବା ବେଳେ ସାହି ଲୋକଙ୍କ ସହାୟତାରେ ପରିବାର ଲୋକେ ତ୍ରିନାଥ ସାହୁଙ୍କୁ ଅଟକ ରଖି ପୁଲିସକୁ ଖବର ଦେଇଥିଲେ।

ପୁଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଥାନାକୁ ଆଣିବା ସହ ଉଭୟ ପକ୍ଷ ସହ ଆପୋଷ ସମାଧାନ କରିଥିଲେ। ପୂର୍ବ ଶତ୍ରୁତା ରଖି ଗତକାଲି ମେଘ ମୂଖି ଓ ତାଙ୍କ ସ୍ତ୍ରୀ ଧାନ ବିହନ ନେଇ ଖୁଣ୍ଟାପଡା ଗାଁରୁ ନିଜ ଗାଁ କନ୍ତଲେଇ ଗାଁ କୁ ଯାଉଥିବା ବେଳେ ଦମ୍ଫତ୍ତିଙ୍କୁ ବନ୍ଧୁକ ଦେଖାଇ ତ୍ରିନାଥ ଜୀବନରୁ ମାରି ଦେବାପାଇଁ ଧମକ ଦେଇଥିବା ନେଇ ଆଜି ଥାନାରେ ଅଭିଯୋଗ ହୋଇଛି ।ଅଭିଯୋଗ ପାଇ ପୁଲିସ ସଂପୃକ୍ତ ଯୁବକଙ୍କୁ ଅଟକ ରଖିଥିବା ଜଣାପଡିଛି। ତେବେ ପୁଲିସ ଅଭିଯୁକ୍ତ ଯୁବକଙ୍କ ଠାରୁ ବନ୍ଧୁକ ଜବତ କରିବାରେ ବିଫଳ ହୋଇଥିବା ଜଣାପଡିଛି। ତେଲକୋଇ ଅଞ୍ଚଳରେ ଏପରି ଘଟଣା ପ୍ରଥମ ଥର ହୋଇଥିବା ବେଳେ ଚୋରା ବନ୍ଧୁକ କାରବାରକୁ ନେଇ ପୁଲିସ ଅଧିକ ତଦନ୍ତ କରିବାର ଆବଶ୍ୟକତା ରହିଛି ବୋଲି ସାଧାରଣରେ ମତ ପ୍ରକାଶ ପାଇଛି।ପୋଲିସ ଦୁଇଟି ମାମଲା ରୁଜୁ କରି ତଦନ୍ତ ଜାରି ରଖିଚି।

Comments
Loading...