ଲୋକମାନେ ଆମକୁ ଜିତାଇଛନ୍ତି କିନ୍ତୁ ନିର୍ବାଚନ ଆୟୋଗ ଏନଡିଏ ସପକ୍ଷରେ ଫଳାଫଳ ଦେଇଛନ୍ତି : ତେଜସ୍ୱୀ

ପାଟଣା : ବିହାର ନିର୍ବାଚନର ଫଳାଫଳକୁ ନେଇ ଗୁରୁବାର ମହା ଗଠବନ୍ଧନ ପକ୍ଷରୁ ସମୀକ୍ଷା କରାଯାଇଛି। ପାଟଣାରେ ପୂର୍ବତନ ମୁଖ୍ୟମନ୍ତ୍ରୀ ରାବିଡି ଦେବୀଙ୍କ ବାସଭବନରେ ଆୟୋଜିତ ଏହି ସଭାରେ ମହାମେଣ୍ଟର ୧୦୯ ବିଧାୟକ ଆରଜେଡି ନେତା ତେଜସ୍ୱୀ ଯାଦବଙ୍କୁ ମହା ଗଠବନ୍ଧନର ନେତା ଭାବରେ ନିର୍ବାଚିତ କରିଥିଲେ। ଏହା ପରେ ତେଜସ୍ୱୀ ସାମ୍ବାଦିକମାନଙ୍କ ସହ ଆଲୋଚନା କରି କହିଛନ୍ତି ଯେ, ଆମେ ନିର୍ବାଚନରେ ​​ହାରି ନାହୁଁ, ଆମେ ଜିତିଛୁ। ଜନତାଙ୍କ ଭୋଟ୍‌ ମହାଗଠବନ୍ଧନ ସପକ୍ଷରେ ଆସିଛି। ଲୋକମାନେ ମହାଗଠବନ୍ଧନକୁ ଜିତାଇଲେ କିନ୍ତୁ ନିର୍ବାଚନ ଆୟୋଗର ଫଳାଫଳ ଏନଡିଏ ସପକ୍ଷରେ ଆସିଛି। ଏନଡିଏ ଧନ, ବଳ ଓ କୌଶଳରେ ଜନମତକୁ ଭ୍ରମିତ କରି ନିର୍ବାଚନ ଜିତିଛି। ଯେଉଁଲୋକମାନେ କି ପ୍ରତାରଣା, ଛଳ ଓ କପଟ ମାଧ୍ୟମରେ ସରକାର ଗଠନ କରୁଛନ୍ତି ବୋଲି ତେଜସ୍ୱୀ କହିଛନ୍ତି।

ନୀତୀଶ କୁମାର କ୍ଷମତା ହାସଲ କରିବାକୁ ଚାହୁଁଛନ୍ତି

ତେଜସ୍ୱୀ ଯାଦବ ଆହୁରି କହିଛନ୍ତି ୨୦୧୫ ରେ ମଧ୍ୟ ଜନତାଙ୍କ  ନିଷ୍ପତ୍ତି ଆମ ପକ୍ଷରେ ଆସିଥିଲା, କିନ୍ତୁ ଚୋର ଦ୍ୱାର ଦେଇ ବିଜେପି ସରକାରକୁ ଆସିଥିଲା ​। ଏହି ନିର୍ବାଚନରେ ​​ଆମେ ଦାରିଦ୍ର, କ୍ଷୁଧା, ରୋଜଗାର, ଚାକିରି ପ୍ରସଙ୍ଗ ଉଠାଇଥିଲୁ କିନ୍ତୁ ନୀତୀଶ କୁମାର ସର୍ବଦା କ୍ଷମତା ହାସଲ କରିବାକୁ ଚାହୁଁଛନ୍ତି କିନ୍ତୁ ଚଳିତ ଥର ଜନତା ନୀତୀଶଙ୍କୁ ଜବାବ ଦେଇଛନ୍ତି। ଜେଡିୟୁ ମତ ହାର ଅନୁସାରେ ତୃତୀୟ ସ୍ଥାନକୁ ଖସିଥିବା କହିଛନ୍ତି ତେଜସ୍ୱୀ। ସେ କହିଛନ୍ତି, ନୀତୀଶଙ୍କ ଦଳ ନିର୍ବାଚନରେ ରାଜ୍ୟରେ ତୃତୀୟ ସ୍ଥାନରେ ରହିଛନ୍ତି, ବିହାରର ଲୋକମାନେ ତାଙ୍କୁ ପୂର୍ବରୁ ଦେଇଥିବା ଜନାଦେଶକୁ ବଳାଇଛନ୍ତି। ଯଦି ନୀତୀଶଙ୍କ ପାଖରେ ସାମାନ୍ୟ ନୈତିକତା ଅଛି ତେବେ ସେ ମୁଖ୍ୟମନ୍ତ୍ରୀ ଆସନ ପାଇଁ ଆତୁର ନହୁଅନ୍ତୁ ।

ଏଥି ସହିତ ତେଜସ୍ୱୀ ଡାକ ବାଲେଟ୍ ଭୋଟ ଗଣତିକୁ ନେଇ ସନ୍ଦେହ ପ୍ରକଟ କରିଛନ୍ତି। ସେ କହିଛନ୍ତି ଯେ ଡାକ ଭୋଟ ପ୍ରଥମେ ଗଣନା କରାଯିବା କଥା। ହେଲେ ବିହାର ବିଧାନସଭା ନିର୍ବାଚନ ଭୋଟ ଗଣନାରେ ନିର୍ବାଚନ ଆୟୋଗ ଶେଷରେ ଡାକ ଭୋଟ ଗଣନା କରାଇଥିବା କହିଛନ୍ତି। ଏଣୁ ତେଜସ୍ୱୀ ଡାକମତ ପତ୍ରର ଦ୍ୱିତୀୟବାର ଗଣତି ଲାଗି ନିର୍ବାଚନ ଆୟୋଗଙ୍କ ନିକଟରେ ଦାବି କରିଛନ୍ତି। ତେଜସ୍ୱୀ ଆହୁରୀ ମଧ୍ୟ କହିଛନ୍ତି ମୋ ସିଟ୍‌ରେ ଭୋଟ୍ ଗଣନା ପ୍ରକ୍ରିୟା ଅପରାହ୍ନ ୩ଟା ସୁଦ୍ଧା ଶେଷ ହୋଇଥିଲେ ମଧ୍ୟ ଫଳାଫଳ ପ୍ରମାଣପତ୍ର ମଧ୍ୟରାତ୍ରୀରେ ଦିଆଯାଇଥିଲା।

ତେଜସ୍ୱୀ ଆହୁରୀ ମଧ୍ୟ କହିଛନ୍ତି ନୀତୀଶ ୩୧ ବର୍ଷ ବୟସ୍କ ଯୁବକକୁ ଅଟକାଇ ପାରିଲେନି। ଏହି ନିର୍ବାଚନରେ ​​ସିଏମ୍ ନୀତୀଶଙ୍କ ସମେତ ଅନେକ ଲୋକ ସମେତ ଗୋଟିଏ ପଟେ ବରିଷ୍ଠ ନେତାଙ୍କ ଗୋଷ୍ଠୀ ରହିଥିଲେ। କିନ୍ତୁ ଏହି ଲୋକମାନେ ଏକତ୍ର ହୋଇ ମଧ୍ୟ ୩୧ ବର୍ଷର ଯୁବକମାନଙ୍କୁ ଅଟକାଇବାରେ ସଫଳ ହୋଇପାରିଲେ ନାହିଁ । ଆରଜେଡିକୁ ଏକକ ବୃହତ ଦଳ ହେବାରେ ରୋକ୍‌ ଲଗାଇ ପାରିଲେ ନାହିଁ ।

ଏଥି ସହିତ ଆରଜେଡି ନେତା ତେଜସ୍ୱୀ ଯାଦବ ଜନମତ ପାଇଁ ବିହାରବାସୀଙ୍କୁ ଧନ୍ୟବାଦ ଅର୍ପଣ କରିଛନ୍ତି। ସେ କହିଛନ୍ତି ଯେ ଆମେ କହିବାକୁ ଚାହୁଁଛୁ ଯେଉଁମାନଙ୍କର ସରକାର ଅଛନ୍ତି ସେମାନଙ୍କ ପାଖରେ କେବଳ ଚାରି ଦିନର ଚନ୍ଦ୍ର ଆଲୋକ ଅଛି। ଯଦି ଜାନୁୟାରୀ ସୁଦ୍ଧା ରାଜ୍ୟର ଯୁବକ ଚାକିରୀ ଏବଂ ରାଜ୍ୟବାସୀଙ୍କର ଅନ୍ୟାନ୍ୟ ସମସ୍ୟାର ସମାଧାନ ନକରନ୍ତି, ତେବେ ଆନ୍ଦୋଳନ ଆରମ୍ଭ ହେବ। ଆମେ ବିହାରର ଲୋକଙ୍କ ପାଇଁ ଲଢିବୁ ବୋଲି ତେଜସ୍ୱୀ କହିଛନ୍ତି।

Comments
Loading...