ନୂଆଦିଲ୍ଲୀ: ଲକ୍ଷ୍ନୌ ଜଙ୍କସନରୁ ନୂଆଦିଲ୍ଲୀ ଚଳାଚଳ କରୁଥିବା ତେଜସ ଏକ୍ସପ୍ରେସ ୩ଘଣ୍ଟା ବିଳମ୍ବରେ ନୂଆଦିଲ୍ଲୀରେ ପହଁଚିଥିବା ଜଣାପଡିଛି। ଶନିବାର ଏହି ବିଳମ୍ବ ହୋଇଛି। ଆଇଆରସିଟିସି ଘୋଷଣା କରିଛି, ସେହି ଟ୍ରେନରେ ଲକ୍ଷ୍ନୌରୁ ନୂଆଦିଲ୍ଲୀ ଯାତ୍ରା କରିଥିବା ପ୍ରତ୍ୟେକ ଯାତ୍ରୀଙ୍କୁ ୨୫୦ ଟଙ୍କା ଲେଖାଏଁ କ୍ଷତିପୂରଣ ଦିଆଯିବ। ସେହି ତେଜସ ଏକ୍ସପ୍ରେସ୍ରେ ୪୫୧ ଜଣ ଯାତ୍ରୀ ଯାତ୍ରା କରିଥିଲେ।
ଆଇଆରସିଟିସି ଅଧିକାରୀଙ୍କ କହିବା ଅନୁଯାୟୀ, ଟିକଟ ଫର୍ମରେ ଥିବା ଯାତ୍ରୀମାନଙ୍କ ମୋବାଇଲ ନମ୍ବରରେ ଏକ ଲିଙ୍କ ପଠାଯିବ ଓ ଯାତ୍ରୀମାନେ ସେହି ଫର୍ମରେ ସମସ୍ତ ତଥ୍ୟ ଦେବା ପରେ ବୀମା କମ୍ପାନୀ ଯାତ୍ରୀମାନଙ୍କ ଆକାଉଣ୍ଟରେ ଅର୍ଥ ଜମା କରିବ। ମିଳିଥିବା ସୂଚନା ଅନୁଯାୟୀ ଶୁକ୍ରବାର ରାତିରେ ବାରଣାସୀ ଯିବାକୁ ଥିବା କୃଷକ ଏକ୍ସପ୍ରେସକୁ ପ୍ଲାଟଫର୍ମକୁ ଆଣୁଥିବା ବେଳେ ତାହାର ଦୁଇଟି କୋଚ ରେଳ ଧାରଣାରୁ ଖସିଯାଇଥିଲା ଫଳରେ ତେଜସ ଏକ୍ସପ୍ରେସକୁ ପ୍ଲାଟଫର୍ମରେ ଅଟକି ରହିବାକୁ ପଡିଥିଲା। ଟ୍ରେନର ମରାମତି ପାଇଁ ଅଧିକ ସମୟ ଲାଗିବାରୁ ସକାଳ ୬.୧୦ ପରିବର୍ତ୍ତେ ପ୍ରାୟ ୩ ଘଣ୍ଟା ବଦଳରେ ଅର୍ଥାତ ଦିନ ୯ଟାରେ ଯାତ୍ରା ଆରମ୍ଭ କରି ବିଳମ୍ବରେ ନୂଆଦିଲ୍ଲୀରେ ପହଞ୍ଚିଥିଲା।
ନିୟମ ଅନୁଯାୟୀ, ତେଜସ ଏକ୍ସପ୍ରେସ ପ୍ରତି ଘଣ୍ଟା ବିଳମ୍ବ ପାଇଁ ଯାତ୍ରୀମାନଙ୍କୁ ୧୦୦ ଟଙ୍କା ଓ ପରବର୍ତ୍ତୀ ଏକ ଘଣ୍ଟା ପାଇଁ ୫୦ ଟଙ୍କା ଲେଖାଏଁ କ୍ଷତିପୂରଣ ରାଶି ଦେଇଥାଏ।
Comments are closed.