ଆସନ୍ତାକାଲିଠାରୁ ସାରା ଦେଶରେ ଟିକା ଉତ୍ସବ

ନୂଆଦିଲ୍ଲୀ : କ୍ରମବର୍ଦ୍ଧିଷ୍ଣୁ କୋଭିଡ ସଂକ୍ରମଣ ଦୃଷ୍ଟିରୁ ଆସନ୍ତାକାଲିଠାରୁ ସାରା ଦେଶରେ ଟିକା ଉତ୍ସବର ଆୟୋଜନ କରାଯାଉଛି। ଗତ ଗୁରୁବାରଦିନ ରାଜ୍ୟ ମୁଖ୍ୟମନ୍ତ୍ରୀମାନଙ୍କ ସହ ବୈଠକ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟିକା ଉତ୍ସବର ଆୟୋଜନ କରିବା ପାଇଁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ଅନୁରୋଧ କରିଥିଲେ।  ଆସନ୍ତାକାଲି ୧୧ ତାରିଖଠାରୁ  ୧୪ ତାରିଖ ପର୍ଯ୍ୟନ୍ତ ଏହି  ଟିକା ଉତ୍ସବର ଆୟୋଜନ କରାଯାଉଛି।
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଟିକା ଉତ୍ସବରେ ଯୋଗଦେବାକୁ ରାଜ୍ୟର ଜନସାଧାରଣଙ୍କୁ ନିବେଦନ କରିଛନ୍ତି। କୋଭିଡ ନିୟନ୍ତ୍ରଣ ମଧ୍ୟରେ ଆସନ୍ତାକାଲିଠାରୁ ରାଜ୍ୟରେ ୬ ହଜାର ଟିକାଦାନ କେନ୍ଦ୍ରରେ ଟିକା ଉତ୍ସବ ପାଳନ କରାଯିବ। ବିହାର ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି ଟିକା ଉତ୍ସବ ସମୟରେ ୪ ଲକ୍ଷ ଲୋକଙ୍କୁ ଟିକା ଦିଆଯିବ। ବହୁମାତ୍ରାରେ ଆସି ଟିକା ନେବା ପାଇଁ ନୀତିଶକୁମାର ରାଜ୍ୟବାସୀଙ୍କୁ ନିବେଦନ କରିଛନ୍ତି।

Comments
Loading...