ଟେଡି ଡେ’ : ହୃଦୟର ଭାବନାକୁ ବ୍ୟକ୍ତ କରିବାର ସର୍ବୋତ୍କୃଷ୍ଟ ମାଧ୍ୟମ ଟେଡି

୧୦ ଜାନୁଆରୀ ହେଉଛି ଭାଲେଣ୍ଟାଇନ ସପ୍ତାହର ଚତୁର୍ଥ ଦିନ ବା ଟେଡି ଡେ। ପ୍ରେମୀଯୁଗଳ ଏହି ଦିନକୁ ଆନନ୍ଦର ସହ ଧୁମ୍‌ଧାମ୍‌ରେ ପାଳନ କରନ୍ତି। ଏହା ଏକ କୌତୁତିଆ ତଥା ମନୋହର ଜିନିଷ ହୋଇଥିବାରୁ କେହି କେହି ନିଜ ବନ୍ଧୁ କିମ୍ବା ଛୋଟ ପିଲାଙ୍କୁ ମଧ୍ୟ ଏହି ଦିନରେ ଟେଡି ଉପହାର ଦେଇଥାଆନ୍ତି। ତେବେ ନିଜ ସାଥୀଙ୍କ ନିକଟରେ ହୃଦୟର ଭାବନାକୁ ବ୍ୟକ୍ତ କରିବାର ସର୍ବୋତ୍କୃଷ୍ଟ ମାଧ୍ୟମ ହେଉଛି ଟେଡି। ଟେଡି ବିୟର ଆପଣଙ୍କ ପ୍ରେମର ବାର୍ତ୍ତାକୁ ଆପଣଙ୍କ ସାଥୀଙ୍କ ନିକଟରେ ସହଜରେ ପହଞ୍ଚାଇଥାଏ। ତେଣୁ ଆଜିର ଦିନରେ ଲୋକେ ଟେଡି ବିୟର ଉପହାର ଦେଇ ନିଜ ପ୍ରେମକୁ ପ୍ରକାଶ କରିଥାଆନ୍ତି।

ଟେଡି ଡେ’ ଯୁବପିଢିଙ୍କ ମଧ୍ୟରେ ଖୁବ ଲୋକପ୍ରିୟ। ଖାସ ସେଥିପାଇଁ ବଜାରରେ ଟେଡି ବିୟର ଦୋକାନରେ ଏହି ଦିନରେ ଯୁବପିଢିଙ୍କର ଭିଡ଼ ଲାଗିରହିଥାଏ। ବିଶେଷ କରି ଝିଅମାନଙ୍କୁ ଟେଡି ବିୟର ବହୁତ ପସନ୍ଦ ଆସିଥାଏ। ଏହାର ଅନେକ ଗୁଡିଏ କାରଣ ରହିଛି। ଝିଅମାନଙ୍କୁ ଟେଡି ବିୟର ଦେବା ଫଳରେ ତାଙ୍କର ପିଲାଦିନର ସ୍ମୃତି ତାଜା ହୋଇଥାଏ। ଏହା ବ୍ୟତୀତ ଝିଅମାନେ ଏକୁଟିଆ ସମୟରେ ଟେଡି ବିୟର ସହିତ ଶୋଇବା ଏବଂ କଥା ହେବାକୁ ପସନ୍ଦ କରିଥାନ୍ତି। ତେଣୁ ଆପଣ ଦେଇଥିବା ଟେଡି ବିୟର ଆପଣଙ୍କ ପ୍ରେମିକାଙ୍କର ଏକୁଟିଆପଣକୁ ଦୂର କରି ଆପଣଙ୍କର ନିକଟତର କରାଇଥାଏ। ଫଳରେ ଆପଣଙ୍କ ସମ୍ପର୍କରେ ମଧୁରତା ବଢିଥାଏ।

Get real time updates directly on you device, subscribe now.

Comments
Loading...