ରଙ୍ଗାଧର ମହାରଣାଙ୍କୁ ମିଳିଲା ‘ରାଷ୍ଟ୍ରୀୟ ଶିକ୍ଷକ ଗୌରବ ସମ୍ମାନ’

0

ନୂଆଦିଲ୍ଲୀ/କେନ୍ଦୁଝର : କେନ୍ଦୁଝର ଜିଲା ଆନନ୍ଦପୁର ସବଡିଭିଜନ ଅନ୍ତର୍ଗତ ଖାଳିଆମେଣ୍ଟା ଗ୍ରାମର ଅବସରପ୍ରାପ୍ତ ଶିକ୍ଷକ ରଙ୍ଗାଧର ମହାରଣାଙ୍କୁ କେନ୍ଦ୍ର ସରକାରଙ୍କ ପକ୍ଷରୁ ସମ୍ମାନୀତ କରାଯାଇଛି। ନୂଆଦିଲ୍ଲୀ ଠାରେ ଆୟୋଜିତ ଭାରତୀୟ ସମ୍ବିଧାନ ଦିବସ ପାଳନ ଅବସରରେ ରଙ୍ଗାଧରଙ୍କୁ ରାଷ୍ଟ୍ରୀୟ ଶିକ୍ଷକ ଗୌରବ ସମ୍ମାନ ପ୍ରଦାନ କରାଯାଇଛି।
ସୂଚନାଯୋଗ୍ୟ ଯେ ରଙ୍ଗାଧର ମହାରଣା ୧୯୬୭ରେ ଖାଳିଆମେଣ୍ଟା  ଏମ୍‌ଇ ସ୍କୁଲରୁ ପ୍ରଧାନଶିକ୍ଷକ ପଦବୀରୁ ଶିକ୍ଷକତା ଆରମ୍ଭ କରିଥିଲେ। ଏହାସହ ରଙ୍ଗାଧର ବିଭିନ୍ନ ବିଦ୍ୟାଳୟରେ ଶିକ୍ଷକତା କରି ୨୦୦୪ରେ କେନ୍ଦୁଝରର ବଡ ପିଛୁଳା ୟୁଜିଏମ୍‌ଇ ସ୍କୁଲରୁ ଅବସର ନେଇଥିଲେ। ବର୍ତ୍ତମାନ ରଙ୍ଗାଧର ମହାରଣା ଖାଳିଆମେଣ୍ଟା ଗ୍ରାମର ମା ଧନେଇ ଅବସରପ୍ରାପ୍ତ କର୍ମଚାରୀ ସଂଘର ସଭାପତି ଭାବେ କାର୍ଯ୍ୟ କରୁଛନ୍ତି। ଏହାବ୍ୟତୀତ ନିଜ ବାସଭବନରେ ବିଭିନ୍ନ ଔଷଧୀୟ ବୃକ୍ଷ ଲଗାଇ ଲୋକମାନଙ୍କୁ ଆର୍ୟୁବେଦିକ   ଔଷଧ ପ୍ରସ୍ତୁତ କରି ପ୍ରଦାନ କରୁଛନ୍ତି। ରଙ୍ଗାଧର ମହାରଣାଙ୍କ ଏଭଳି କାର୍ଯ୍ୟକ୍ରମକୁ ସାଧାରଣରେ ପ୍ରଶଂସା କରାଯାଇଛି।

Comments
Loading...