ଚଟପଟି ମକା କାଜୁ ଚିକେନ

ଚିକେନ – ୫୦୦ ଗ୍ରାମ
ବଟର – ୧୦୦ ଗ୍ରାମ
କାଜୁ ଗୁଣ୍ଡ – ୫୦ ଗ୍ରାମ
କର୍ଣ୍ଣଫ୍ଲୋର – ୧୦୦ ଗ୍ରାମ
କାଶ୍ମୀର ଲଙ୍କା ଗୁଣ୍ଡ – ୧ ଚାମଚ
ଅଦା ରସୁଣ ବଟା – ୩ ଚାମଚ
ମିଠା ମକା – ୨ ଚାମଚ
ଗୋଲମରିଚ ଗୁଣ୍ଡ – ଅଳ୍ପ
ଲୁଣ – ଆବଶ୍ୟକ ପରିମାଣରେ
ଧନିଆ ପତ୍ର – ଅଳ୍ପ
ପିଆଜ –୨ଟି (କଟା)
ପ୍ରସ୍ତୁତି ପ୍ରଣାଳୀ – ପ୍ରଥମେ ଚିକେନକୁ ଭଲ ଭାବେ ଧୋଇ ଏଥିରେ ଲଙ୍କା ଗୁଣ୍ଡ, ଲୁଣ, ଗୋଲମରିଚ ଗୁଣ୍ଡ, ଅଦା ରସୁଣ ବଟା ପକାଇ ଭଲ ଭାବେ ମିଶାଇ ୨୦ ମିନିଟ ଯାଏଁ ରଖି ଦିଅନ୍ତୁ। ଏହାପରେ ଗ୍ୟାସରେ କଡ଼େଇ ବସାଇ ବଟର ଗରମ କରନ୍ତୁ। ବଟର ଗରମ ହେବା ପରେ ଗୋଳାଇ ରଖିଥିବା ଚିକେନକୁ କର୍ଣ୍ଣଫ୍ଲୋରରେ ରୋଲ ଆକାରର ବୁଡ଼ାଇ ଏହାକୁ ବଟରେ ଭଲ ଭାବେ ଭାଜି ଦିଅନ୍ତୁ। ଭାଜିବା ପରେ ଏହାକୁ ଏକ ପାତ୍ରକୁ କାଢି ରଖନ୍ତୁ। ଏବେ ପୁଣି କଡ଼େଇରେ ବଟର ପକାନ୍ତୁ। ବଟର ଗରମ ହେବା ପରେ ଏଥିରେ କାଜୁ ଗୁଣ୍ଡ ପକାଇ ଭାଜି ଦିଅନ୍ତୁ। ଭାଜିବା ପରେ ମିଠା ମକା ଓ ପ୍ରସ୍ତୁତ ଚିକେନକୁ ପକାଇ ୨ ମିନିଟ ଗ୍ୟାସରେ ବସାନ୍ତୁ। ୨ ମିନିଟ ପରେ ଏକ ପାତ୍ରକୁ କାଢି କଟା ଧନିଆ ପତ୍ର ଓ ପିଆଜ ପକାଇ ସଜାଇ ଦିଅନ୍ତୁ। ପ୍ରସ୍ତୁତ ହୋଇଗଲା ଚଟପଟି ମକା କାଜୁ ଚିକେନ।