କାବୁଲ : ତାଲିବାନ ଆତଙ୍କବାଦୀ ସଂଗଠନ ଆଫଗାନିସ୍ତାନର ଦାରା-ଏ-ସୁଫ ଜିଲାର ସାମାଙ୍ଗାନ ଅଞ୍ଚଳରୁ ରବିବାର ସକାଳେ ଏକ ବସ୍ ସହ ପ୍ରାୟ ୪୦ ଯାତ୍ରୀଙ୍କୁ ଅପହରଣ କରିନେଇଛି। ସାମାଙ୍ଗାନ ପୁଲିସ୍ ମୁଖପାତ୍ର ମୋହମ୍ମଦ ମୁନୀର ରହିମ୍ି ଏହି ସୂଚନା ଦେଇଛନ୍ତି। ସମସ୍ତ ଯାତ୍ରୀ ବସ୍ ଯୋଗେ ଉତ୍ତର ବାଲ୍ଖର ରାଜଧାନୀ ମାଜାର-ଇ-ଶରିଫ ଅଭିମୁଖେ ଯାଉଥିଲେ। ବାଟରେ ସାମାଙ୍ଗାନର ଖୁସାକ ଦାରା ଗ୍ରାମ ନିକଟରେ ବସ୍କୁ ତାଲିବାନ ଆତଙ୍କବାଦୀମାନେ ଅଟକାଇ କବ୍ଚା କରି ନେଇଥିଲେ। ଆଫଗାନିସ୍ତାନ ପୁଲିସ୍ ଯାତ୍ରୀଙ୍କୁ ଉଦ୍ଧାର ପାଇଁ ଅଭିଯାନ ଆରମ୍ଭ କରିଛି। ଏହା ପୂର୍ବରୁ ମଙ୍ଗଳବାର ତାଲିବାନ ଆତଙ୍କବାଦୀମାନେ ସେହି ରାସ୍ତାରୁ ୨୫ ଜଣ ଯାତ୍ରୀଙ୍କୁ ଅପହରଣ କରିନେଇଥିଲେ। ଏପର୍ଯ୍ୟନ୍ତ ଅପହୃତ ୨୫ ଯାତ୍ରୀଙ୍କ ଖବର ମିଳିନାହିଁ। ଏବେ ନୂଆ ଅପହରଣ ଆଫଗାନିସ୍ତାନ ସରକାରଙ୍କ ପାଇଁ ଚିନ୍ତାର ବିଷୟ ହୋଇଛି।
