ତାଇପେଇ : ଏସିଆର ପ୍ରଥମ ଦେଶ ଭାବେ ତାଇୱାନ ସମଲିଙ୍ଗୀ ବିବାହକୁ ଆଇନଗତ ବୈଧ ମାନ୍ୟତା ପ୍ରଦାନ କରିଛି। ଏଲଜିବିଟି ସମ୍ପ୍ରଦାୟର ବିବାହ ସମ୍ପର୍କିତ ବିଲ୍ ଶୁକ୍ରବାର ତାଇୱାନ ସଂସଦରେ ବହୁମତରେ ପାରିତ ହୋଇଛି। ତାଇୱାନ ସାଂସଦମାନେ ୩ଟି ବିଲ୍କୁ ନେଇ ତର୍କ କରିଥିଲେ। ଶେଷରେ ସମଲିଙ୍ଗୀ ବିବାହକୁ ବୈଧ ମାନ୍ୟତା ପ୍ରଦାନ ବିଲ୍ ପାରିତ ହୋଇଥିଲା।
ପୂର୍ବରୁ ତାଇୱାନର ଏକ କୋର୍ଟ ଏଲଜିବିଟି ସମ୍ପ୍ରଦାୟର ବିବାହ ସମ୍ପର୍କିତ ଆଇନର ସଂଶୋଧନ କରିବାକୁ ସଂସଦକୁ ୨ ବର୍ଷ ସମୟ ଦେଇଥଲେ ଓ ଅବଧି ୨୦୧୯ ମେ’ ୨୪ରେ ଶେଷ ହେଉଥିଲା। ଇଣ୍ଟରନେସନାଲ ଡ଼େ ଏଗନେଷ୍ଟ ହୋମଫୋବିୟା, ଟ୍ରାନ୍ସଫୋବିୟା ଏବଂ ବାଇଫୋବିୟା ଦିନ ଶାସକ ଦଳର ସାଂସଦଙ୍କ ବିରୋଧ ସତ୍ତ୍ବେ ଏହି ବିଲ୍ ବହୁମତରେ ପାରିତ ହୋଇଛି। ଏଣିକି ତାଇୱାନରେ ସମଲିଙ୍ଗୀମାନେ ବିବାହ ଭଳି ସ୍ଥାୟୀ ବନ୍ଧନରେ ଆବଦ୍ଧ ହୋଇପାରିବେ ଓ ସରକାରୀ ସଂସ୍ଥାରେ ସମଲିଙ୍ଗୀ ବିବାହ ପଞ୍ଜିକରଣ ହୋଇପାରିବ। ମେ’ ୨୪ରୁ ଏହି ଆଇନ ଲାଗୁ ହେବ। ପ୍ରବଳ ବର୍ଷା ସତ୍ତ୍ବେ ସମଲିଙ୍ଗୀ ବିବାହ ଓ ଅଧିକାର ପାଇଁ ଲଢୁଥିବା ଶତାଧିକ କାର୍ଯ୍ୟକର୍ତ୍ତା ଓ ସମର୍ଥକ ତାଇପେଇସ୍ଥିତ ସଂସଦ ବାହାରେ ଏକାଠି ହୋଇ ଉତ୍ସବ ପାଳନ କରିଛନ୍ତି।
Comments are closed.