କେଜ୍ରିୱାଲ ଜିତିବା ପରେ ଅଭିନେତ୍ରୀ ସ୍ବରାଙ୍କ ଟୁଇଟ୍; ‘ମେରୀ ଜାନ୍! ଫିର ସେ ପ୍ୟାର ହୋ ଗୟା ତୁମ ସେ’

ଦିଲ୍ଲୀରେ ବିଧାନସଭା ନିର୍ବାଚନରେ ଆପ୍ ବିଜୟକୁ ନେଇ ଅଭିନେତ୍ରୀ ସ୍ବରା ଭାସ୍କର ବହୁତ ଖୁସୀ ଅଛନ୍ତି। ଟୁଇଟ୍ କରି ସେ ନିଜର ଖୁସୀ ବ୍ୟକ୍ତ କରିବା ସହ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଶୁଭେଚ୍ଛା ଜଣାଇଛନ୍ତି।

ସ୍ବରା ଟୁଇଟରେ ଲେଖିଛନ୍ତି, ‘ଦିଲ୍ଲୀ ମେରୀ ଜାନ୍! ଫିର ସେ ପ୍ୟାର ହୋ ଗୟା ତୁମ ସେ’। ସ୍ବରାଙ୍କ ଏହି ଟୁଇଟକୁ ତାଙ୍କ ଫ୍ୟାନ୍ସମାନେ ପସନ୍ଦ କରିବା ସହ ଅନେକ କମେଣ୍ଟ ଦେଇଛନ୍ତି। ଏପର୍ଯ୍ୟନ୍ତ ସ୍ବରାଙ୍କ ଏହି ଟୁଇଟକୁ ୩୦ ହଜାର ରୁ ଅଧିକ ଲୋକ ପସନ୍ଦ କରିଛନ୍ତି।


ସୂଚନାଯୋଗ୍ୟ, ସ୍ବରା ଲୋକସଭା ନିର୍ବାଚନରେ ଆପ୍ ପାଇଁ ନିର୍ବାଚନୀ ପ୍ରଚାର କରିଥିଲେ। ନିର୍ବାଚନ ଦିନ ନିଜର ମତଦାନ ସାବ୍ୟସ୍ତ କରିବା ପରେ ଟୁଇଟ କରି କହିଥିଲେ ଯେ, ‘ମୁଁ ନିଜ କର୍ତ୍ତବ୍ୟ କରିଛି, ଆପଣମାନେ କରିଛନ୍ତି ତ?’

ସ୍ବରା ଭାସ୍କର ସର୍ବଦା ନିଜର ବୋଲ୍ଡ ଅଭିନୟ ଏବଂ ବିବାଦୀୟ ବୟାନ ପାଇଁ ଚର୍ଚ୍ଚାରେ ରହିଥାନ୍ତି। କୌଣସି ପ୍ରଭାବକୁ ଖାତିର ନ କରି ସେ ନିଜର ସ୍ପଷ୍ଟ ବୟାନ ଦିଅନ୍ତି। ଏଥିପାଇଁ ତାଙ୍କୁ ଟ୍ରୋଲ ହେବାକୁ ପଡେ।

‘ବୀରେ ଦି ୱେଡିଙ୍ଗ’ରେ ସେ ଶେଷ ଥର ପାଇଁ ଦର୍ଶକଙ୍କ ନଜରକୁ ଆସିଥିଲେ। ଏଥିରେ ସ୍ବରା, କରୀନା କପୁର, ସୋନମ କପୁରଙ୍କୁ ମଧ୍ୟ ଦେଖିବାକୁ ମିଳିଥିଲା। ଏହାପରେ ସ୍ବାରା ‘ଶୀର କୁର୍ମା’ରେ ନଜର ଆସିବେ।