ଅସହାୟ ପରିବାରକୁ ସହାୟ ହେଲା ସ୍ୱଇଚ୍ଛା

ସମ୍ବଲପୁର: କରୋନା ସମୟରେ ସାରା ବିଶ୍ୱର ଆର୍ଥିକ ବ୍ୟବସ୍ଥା ଦୋହଲି ଯାଇଥିବା ବେଳେ ଅନେକ ରୋଜଗାରହୀନ ହୋଇ କଷ୍ଟରେ ଜୀବନଯାପନ କରିବାକୁ ବାଧ୍ୟ ହେଉଛନ୍ତି। ବିଗତ ଦିନରେ ସ୍ଥାନୀୟ ବୁଢ଼ାରଜା ସ୍ଥିତ ଶାନ୍ତିନଗର ଠାରେ ରୋଜଗାର ହରାଇ ପରିବାର ସହିତ ଅତ୍ୟନ୍ତ କଷ୍ଟକର ପରିସ୍ଥିତିରେ ଜୀବନ ନିର୍ବାହ କରୁଥିବା ଶିବୁ ରାୟଙ୍କ ସର୍ମ୍ପକରେ ଗଣମାଧ୍ୟମମାନଙ୍କରେ ପ୍ରକାଶିତ ହୋଇଥିଲା। ଏହି ଖବର ପାଇବା ପରେ ସମ୍ବଲପୁରର ଅନ୍ୟତମ ସ୍ୱେଚ୍ଛାସେବୀ ଅନୁଷ୍ଠାନ ‘ସ୍ୱଇଚ୍ଛା’ ତରଫରୁ ମଙ୍ଗଳବାର ଶିବୁଙ୍କୁ ଆତ୍ମନିର୍ଭର କରିବା ପାଇଁ ୨୦ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରିଛନ୍ତି। ଏହା ସହିତ ବୁଢ଼ାରଜା ସ୍ଥିତ ଚକାଡୋଳା ରାସନ ଦୋକାନର ସହାୟତାରେ ରାୟ ପରିବାର ପାଇଁ ରାସନର ବ୍ୟବସ୍ଥା ଓ ମିଲନ କ୍ଲଥ ଷ୍ଟୋର ର ସହାୟତାରେ ତାଙ୍କର ୫ ଜଣ ଛୁଆ ମାନଙ୍କ ପାଇଁ କପଡାର ବ୍ୟବସ୍ଥା ମଧ୍ୟ କରାଯାଇଛି। ଏହି ମହତ କାର୍ଯ୍ୟକ୍ରମରେ ସମାଜସେବୀ ସୁଧିର ପୂଜାରୀ ମୁଖ୍ୟ ଅତିଥି ଭାବରେ ଯୋଗ ଦେଇ ସହାୟତା ରାଶି ଶିବୁ ରାୟ ଓ ତାଙ୍କର ପରିବାରକୁ ପ୍ରଦାନ କରିଛନ୍ତି। ଏହି ଅବସରରେ ମାନସ ଶତପଥି, ଉତବୀର ପାଲନ, ସୁବାଷ ମେହେର, ଇଂ. ବିରଂଚି ନାରାୟାଣ ଦାଶ, ଡ. ଅଶୋକ ପାଣିଗ୍ରାହୀ, ସୁନନ୍ଦା ଲୁହାର, ସୁବ୍ରତ ନାଥ, ସୁବାଷ ଚନ୍ଦ୍ର ମେହେର, ସୁଶାନ୍ତ ସାହୁ, ଜଗଦିଶ ପଟେଲ, ମିହିର ମହାନ୍ତି, ଅନୁଜ ଜେନା, ସାକେତ ବାନାର୍ଜି, ସତ୍ୟ ନାରାୟାଣ ପାଣିଗ୍ରାହୀ, ଶତ୍ରୁଘ୍ନ ରାଉତ, ସୌରଭ ସେନ, ଅଭିନାଶ ତିୱାରୀ, ଗୀତୁ ପ୍ରମୁଖ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ।

 

Comments
Loading...