ତିନି ତଲାକ୍‍ରୁ ବର୍ତ୍ତିବା ପାଇଁ ହିନ୍ଦୁଙ୍କୁ ବାହା ହୁଅନ୍ତୁ ମୁସଲମାନ ଯୁବତୀ: ସାଧ୍ୱୀ ପ୍ରାଚୀ

0

ଲକ୍ଷ୍ନୌ : ତିନି ତଲାକକୁ ନେଇ ବିବାଦୀୟ ମନ୍ତବ୍ୟ ଦେଇଛନ୍ତି ବିଶ୍ୱହିନ୍ଦୁ ପରିଷଦ ନେତ୍ରୀ ସାଧ୍ୱୀ ପ୍ରାଚୀ। ‘ମୁସଲମାନ ଯୁବତୀମାନେ ଯଦି ତିନି ତଲାକ୍‍ ଓ ନିକା ହଲାଲାରୁ ବର୍ତ୍ତିବାକୁ ଚାହାନ୍ତି; ତେବେ ହିନ୍ଦୁ ଯୁବକଙ୍କୁ ବିବାହ କରନ୍ତୁ ଓ ହିନ୍ଦୁ ଧର୍ମ ଗ୍ରହଣ କରନ୍ତୁ’ ବୋଲି ପ୍ରାଚୀ ପରାମର୍ଶ ଦେଇଛନ୍ତି। କେବଳ ସେତିକି ନୁହେଁ; ତିନି ତଲାକ ବିରୋଧରେ ଆଇନଗତ ଲଢ଼େଇ ଚଳାଇଥିବା ବରେଲିର ନିଦା ଖାଁଙ୍କ ସମେତ ଅନ୍ୟ ମୁସଲମାନ ମହିଳାଙ୍କୁ ଭେଟି ସେ ହିନ୍ଦୁତ୍ୱ ଗ୍ରହଣ କରିବା ପାଇଁ ପ୍ରବର୍ତ୍ତାଇବେ ବୋଲି କହିଛନ୍ତି। ଏହି ପ୍ରସଙ୍ଗରେ ସେ ମୌଲବୀମାନଙ୍କୁ ଚେତାବନୀ ଶୁଣାଇଛନ୍ତି। ପ୍ରତି କଥାରେ ଫତୱା ଜାରି କରି ମୌଲବୀମାନେ ସାମାଜିକ ବିଶୃଙ୍ଖଳାକୁ ପ୍ରୋତ୍ସାହିତ କରୁଥିବାରୁ ସେମାନଙ୍କୁ ଦଣ୍ଡବିଧାନ କରାଯିବା ଉଚିତ ବୋଲି ପ୍ରାଚୀ ମଥୁରାଠାରେ କହିଛନ୍ତି। ପ୍ରାଚୀ ସୋମବାର କଂଗ୍ରେସ ସଭାପତି ରାହୁଲ ଗାନ୍ଧୀଙ୍କୁ ସମାଲୋଚନା କରିଥିଲେ। ଆଗାମୀ ନିର୍ବାଚନରେ ତାଙ୍କ ଦଳ ସଂଖ୍ୟାଗରିଷ୍ଠତା ହାସଲ କରିବାର ଆଶା ନାହିଁ; ତେଣୁ ରାହୁଲ ତୁରନ୍ତ ବିବାହ କରିନେବା ଉଚିତ ଏବଂ କଂଗ୍ରେସ ଏ ଦିଗରେ ରାହୁଲଙ୍କୁ ସହଯୋଗ କରିବା ଆବଶ୍ୟକ ବୋଲି ସେ କହିଥିଲେ।

Comments
Loading...