ରେଙ୍ଗାଲିକେମ୍ପ : ଜାତୀୟ ସ୍ବାସ୍ଥ୍ୟ ଦିବସ ଅବସରରେ ଆଜି ଅତାବିରା ବ୍ଲକ ଟାଙ୍ଗରପାଳି ସେବାଶ୍ରମ ବିଦ୍ୟାଳୟ ଠାରେ ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପକ୍ଷରୁ ସ୍ୱଚ୍ଛତା ଅଭିଯାନ କାର୍ଯ୍ୟକ୍ରମ ହୋଇଯାଇଛି । ଡଃ ଯଯାତି କେଶରୀ ରାଉତଙ୍କ ତତ୍ବାବଧାନରେ ହୋଇଥିବା ଏହି କାର୍ଯ୍ୟକ୍ରମରେ ଡଃ ସିମାରାଣୀ ନନ୍ଦ ଓ ଫାର୍ମାସିଷ୍ଟ କେଦାର ମିଶ୍ରଙ୍କ ସକ୍ରିୟ ଭୂମିକା ରହିଥିଲା । ଏହି ଦିବସର ମହାନ୍ ଉଦ୍ଦେଶ୍ୟକୁ ଦୃଷ୍ଟିରେ ରଖି ଏହି ଆବାସିକ ବିଦ୍ୟାଳୟରେ ରହୁଥିବା ଅନ୍ତେବାସୀ ମାନଙ୍କ ସ୍ବାସ୍ଥ୍ୟ ପରୀକ୍ଷା ସହ କୋଭିଡ ପରୀକ୍ଷା ମଧ୍ୟ କରାଯାଇଥିଲା । ଦୂଷିତ ପରିବେଶ ସ୍ବାସ୍ଥ୍ୟ ସୁରକ୍ଷାକୁ ବେଶ୍ ପ୍ରଭାବିତ କରିଥାଏ, ତେଣୁ ଏହି ଅବସରରେ ବିଦ୍ୟାଳୟର ଚତୁଃପାର୍ଶ୍ଵକୁ ସଫା ସୁତୁରା କରାଯାଇଥିଲା। ଏହା ବ୍ୟତୀତ ବିଦ୍ୟାଳୟର ପରିସୀମା ଭିତରେ ବୃକ୍ଷରୋପଣ କାର୍ଯ୍ୟକ୍ରମ ମଧ୍ୟ କରାଯାଇଥିଲା । ପରି ଶେଷରେ ସମସ୍ତ ଅନ୍ତେବାସୀଙ୍କୁ ନେଇ ସ୍ବାସ୍ଥ୍ୟ ସଚେତନତା ଉପରେ ବିସ୍ତୃତ ଆଲୋଚନା କରାଯାଇଥିଲା । କୋଭିଦ୍ ଭଳି ମହାମାରୀ ସମୟରେ ପିଲାମାନେ କିପରି ନିଜ ସ୍ୱାସ୍ଥ୍ୟର ଯତ୍ନ ନେବେ, ମାସ୍କ ବ୍ୟବହାରର ଆବଶ୍ୟକତା, ସାମାଜିକ ଦୂରତା ରକ୍ଷା କରିବା ତଥା ହାତାଧୁଆର ଛଅଟି ପ୍ରଣାଳୀ ଆଦି ବିଷୟରେ ପିଲାମାନଙ୍କୁ ଶିଖାଯାଇଥିଲା । ସୁଷମ ଖାଦ୍ୟ ଓ ନିୟମିତ ବ୍ୟାୟାମ ସ୍ବାସ୍ଥ୍ୟ ଉପରେ କିପରି ପ୍ରଭାବ ପକାଏ ଏହା ଉପରେ ଡଃ ସିମାରାଣୀ ନନ୍ଦ ବେଶ ସରଳ ଭାବରେ ପିଲାମାନଙ୍କୁ ବୁଝାଇଥିଲେ । ବୃକ୍ଷରୋପଣରେ ହଷ୍ଟେଲର ସହାୟିକା, ପରିଚାଳିକା ଓ ଛାତ୍ର ଛାତ୍ରୀ ମାନେ ସହଯୋଗ କରିଥିଲେ।
Comments are closed.