ଗର୍ଭବତୀ ମହିଳାଙ୍କ ପାଇଁ ଆରମ୍ଭ ହେଲା ସୁରକ୍ଷା କବଚ ଯୋଜନା

ଗଞ୍ଜାମ ଜିଲ୍ଲାରେ ପ୍ରଥମ

ପାତ୍ରପୁର : ଗଞ୍ଜାମ ଜିଲ୍ଲାରେ ପ୍ରଥମ ଥର ପାଇଁ ପାତ୍ରପୁର ବ୍ଲକରେ ପ୍ରସୂତି ମହିଳା ଏବଂ ଶିଶୁ  ପାଇଁ ସୁରକ୍ଷା କବଚ ଯୋଜନା ଆରମ୍ଭ ହୋଇଛି। ଆଜି ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରସବ କରିଥିବା ତୁମ୍ବା ପଞ୍ଚାୟତ ବାଣପୁର ଗ୍ରାମର ମୋହନ ଶବରଙ୍କ ପତ୍ନୀ ରାଜେଶ୍ୱରୀ ଭୂୟାଁଙ୍କୁ ପ୍ରଥମ କୀଟ ପ୍ରଦାନ କରାଯାଇଛି। ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଚିକିତ୍ସା ଅଧିକାରୀ ଡା ସମ୍ବିତ କୁମାର ବେଗରାୟ ଏହି ମହିଳାଙ୍କୁ ସୁରକ୍ଷା କବଚ କୀଟ ପ୍ରଦାନ କରି ଯୋଜନାର ଶୁଭାରମ୍ଭ କରିଥିଲେ। ଏହି ବ୍ଲକର ଖ।ରିଆଗୁଡା, ଜରଦା, ବରଙ୍ଗ ଡାକ୍ତରଖାନାରେ ମହିଳାଙ୍କ ପ୍ରସବ ପାଇଁ ସୁବିଧା ଥିବା ବେଳେ ସେହି ସ୍ଥାନରେ ପ୍ରସୂତି ମାଆ ଶିଶୁଙ୍କୁ ଏହି କୀଟ ପ୍ରଦାନ କରାଯିବ। ଏହି କୀଟରେ ପ୍ରସୂତୀ ମାଆ ଏବଂ ଶିଶୁଙ୍କ ବିଭିନ୍ନ ଅବ୍ୟଶକ ଉପକରଣ ଯୋଗାଇ ଦିଆଯିବ। ଜିଲ୍ଲାର ପ୍ରଥମ ବ୍ଲକ ଭାବେ ପାତ୍ରପୁରରେ ଏହି ଯୋଜନା କାର୍ୟ୍ୟକାରୀ କରାଯାଇଛି। ଫଳରେ ଏହି ବ୍ଲକର ପ୍ରସୂତୀ ମାଆ ଶିଶୁ ଉପକୃତ ହୋଇ ପାରିବେ। ପ୍ରତି ମାସରେ ଏହି ବ୍ଲକରେ ୧୫୦ରୁ ଉର୍ଦ୍ଧ ମହିଳା ଏହି ଚାରିଗୋଟି ଡାକ୍ତରଖାନାରେ ପ୍ରସବ ପାଇଁ ଆସିଥାନ୍ତି।

Comments
Loading...