ବିଚାରପତି ନିଯୁକ୍ତି ପ୍ରସଙ୍ଗ: ହାଇକୋର୍ଟଙ୍କଠାରୁ ରିପୋର୍ଟ ଲୋଡିଲେ ସୁପ୍ରିମକୋର୍ଟ

0

ନୂଆଦିଲ୍ଲୀ : ଦେଶବ୍ୟାପୀ କୋର୍ଟଗୁଡିକରେ ବିଚାରପତି ନିଯୁକ୍ତି ପ୍ରକ୍ରିୟାରେ ମନ୍ଥରତାକୁ ଲକ୍ଷ୍ୟ କରି ସୁପ୍ରମିକୋର୍ଟ କ୍ଷୋଭ ପ୍ରକାଶ କରିଛନ୍ତି। ବିଚାରପତି ନିଯୁକ୍ତି ପ୍ରକିୟା ତ୍ୱରାନ୍ୱିତ କରା ନ ଗଲେ ହାଇକୋର୍ଟରେ କେନ୍ଦ୍ରୀଭୂତ ଥିବା ଏହି ଦାୟିତ୍ୱ ପ୍ରତ୍ୟାହାର କରିନିଆଯିବ ବୋଲି ସର୍ବୋଚ୍ଚ ଅଦାଲତ ତାଗିଦ କରିଛନ୍ତି। ଏଥିସହ ବର୍ତ୍ତମାନ ସୁଦ୍ଧା ତଳକୋର୍ଟଗୁଡିକରେ ବିଚାରପତି ନିଯୁକ୍ତି ପ୍ରକ୍ରିୟା କେତେଦୂର ଆଗେଇଛି ସେ ସମ୍ବନ୍ଧରେ ସମସ୍ତ ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳର ହାଇକୋର୍ଟଗୁଡିକଠାରୁ ସୁପ୍ରିମକୋର୍ଟ ରିପୋର୍ଟ ଲୋଡିଛନ୍ତି। ହାଇକୋର୍ଟଗୁଡିକ ଯଦି ତଳକୋର୍ଟଗୁଡିକରେ ବିଚାରପତି ନିଯୁକ୍ତ କରିପାରୁ ନାହାନ୍ତି ତା’ହେଲେ ଏହି ଦାୟିତ୍ୱ ସେଗୁଡିକଠାରୁ ପ୍ରତ୍ୟାହାର କରି ନିଆଯିବ ଏବଂ ସର୍ବୋଚ୍ଚ ଅଦାଲତ ନିଜେ ବିଚାରପତି ନିଯୁକ୍ତ କରିବେ ବୋଲି ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ପୀଠ କହିଛନ୍ତି।

Comments
Loading...