ସୁନାମି ମୁକାବିଲା ପାଇଁ ମକ୍‌ଡ୍ରିଲ୍‌

ଭୁବନେଶ୍ବର: ଆଜି ଓଡ଼ିଶାରେ ସାମ୍ଭାବ୍ୟ ମୁକାବିଲା ପାଇଁ ଭର୍ଚୁଆଲ୍‌ ମକ୍‌ଡ୍ରିଲ୍‌ ଅନୁଷ୍ଠିତ ହୋଇଯାଇଛି। ପୂର୍ବ ଉପକୁଳ ଓ ଆଣ୍ଡାମାନ ସାଗରରେ ସୁନାମି ମୁକାବିଲା ପାଇଁ ମକ୍‌ଡ୍ରିଲ୍‌ ଅନୁଷ୍ଠିତ ହୋଇଯାଇଛି। ଏଥିରେ ବାଲେଶ୍ବର, ଭଦ୍ରକ, କେନ୍ଦ୍ରାପଡ଼ା, ଜଗତସଂହପୁର, ପୁରୀ ଓ ଗଞ୍ଜାମ ଜିଲା ସାମିଲ ହୋଇଥିଲା। ୬ ଜିଲାର ଜିଲାପାଳ, ଏଡିଏମ୍‌, ବିଡିଓ, ତହସିଲ୍‌ଦାର ଓ ସରପଞ୍ଚଙ୍କୁ ନେଇ ଏହି ସୁନାମି ମୁକାବିଲା ପାଇଁ ମକ୍‌ଡ୍ରିଲ୍‌ ଅନୁଷ୍ଠିତ ହୋଇଥିଲା। ଏହି ଅବସରରେ ସୁନାମି ସମ୍ପର୍କିତ ତଥ୍ୟ ଗାଁରେ କିପରି ପହଞ୍ଚିବ ସେଥିନେଇ ଗୁରୁତ୍ବ ଦିଆଯାଇଥିଲା।

ଏ ସଂକ୍ରାନ୍ତରେ ସ୍ବତନ୍ତ୍ର ରିଲିଫ୍‌ କମିଶନର ପ୍ରଦୀପ କୁମାର ଜେନା ସୂଚନା ଦେଇଛନ୍ତି ଯେ ଆଜି ରାଜ୍ୟରେ ସାମ୍ଭାବ୍ୟ ସୁନାମି ମୁକାବିଲା ନେଇ ଏକ ଭର୍ଚୁଆଲ୍‌ ମକ୍‌ଡ୍ରିଲ୍‌ ଅନୁଷ୍ଠିତ ହୋଇଥିଲା। ଏଥିରେ ୬ ଜିଲାର ଜିଲାପାଳ, ଏଡିଏମ୍‌, ବିଡିଓ, ତହସିଲ୍‌ଦାର ଓ ସରପଞ୍ଚ ଯୋଗଦେଇଥିଲେ। ରାଜ୍ୟରେ ଥିବା ୧୨୨ଟି ଆଲର୍ଟ ସେଣ୍ଟରରୁ ୩ଥର ସାଇରନ୍‌ ବଜାଯାଇଥିଲା ଏବଂ ଆଲର୍ଟ ମେସେଜ୍‌ ମଧ୍ୟ ପଠାଯାଇଥିଲା। ଲୋକଙ୍କୁ କିଭଳି ଖୁବ୍ କମ୍‌ ସମୟ ମଧ୍ୟରେ ସୁନାମି ସମ୍ପର୍କିତ ସୂଚନା ଦିଆଯାଇପାରିବ ସେଥିନେଇ ଆଲୋଚନା ହୋଇଥିଲା।

Comments
Loading...