ସମ୍ବଲପୁର ବିଶ୍ବଵିଦ୍ୟାଳୟ ଠିକା କର୍ମଚାରୀଙ୍କ ଆତ୍ମାହୁତି ଉଦ୍ୟମ

ବୁର୍ଲା: ସମ୍ବଲପୁର ବିଶ୍ବବିଦ୍ୟାଳୟର ଜଣେ ଠିକା କର୍ମଚାରୀ ମଙ୍ଗଳବାର ଆତ୍ମାହୁତି ଉଦ୍ୟମ କରିଛନ୍ତି। ଦିନଵନ୍ଧୁ ମିଶ୍ର ନାମକ ଏହି କର୍ମଚାରୀ ବିଶ୍ବବିଦ୍ୟାଳୟ କୋଠା ମଧ୍ୟରେ କୁଳପତି ପ୍ରଫେସର ସଞ୍ଜୀଵ ମିତ୍ତଲଙ୍କ ସହିତ କୌଣସି ପ୍ରସଙ୍ଗକୁ ନେଇ ବଚସା ହେବା ପରେ ସେହିଠାରେ ହିଁ ଆତ୍ମାହୁତି ଉଦ୍ୟମ କରିଛନ୍ତି। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଵୁର୍ଲା ଭିମସାର ଏବଂ ପରେ କଟକ ମେଡ଼ିକାଲକୁ ସ୍ଥାନାନ୍ତର କରାଯାଇଛି। ତାଙ୍କ ଶରୀରର ୯୦ ପ୍ରତିଶତ ପୋଡ଼ିଯାଇଥିବା ସୂଚନା ମିଳିଛି। କୁଳପତିଙ୍କ କଟୁ କଥାକୁ ସହ୍ୟ କରି ନ ପାରି ସେ ଆତ୍ମହତ୍ୟା ଉଦ୍ୟମ କରିଥିବା ଵ୍ୟକ୍ତ କରିଛନ୍ତି। ଗୁରୁତର ଦିନଵନ୍ଧୁଙ୍କ ପୁଅ ଅଙ୍କିତ ମିଶ୍ର ମଧ୍ୟ ତାଙ୍କ ଵାପାଙ୍କ ପ୍ରତି ଅନ୍ୟାୟ ହୋଇଛି ବୋଲି କହିବା ସହ ଏଥିପାଇଁ ସେ କୁଳପତିଙ୍କୁ ଦାୟୀ କରିଛନ୍ତି।

ସୂଚନାଯୋଗ୍ୟ, ସମ୍ବଲପୁର ବିଶ୍ବବିଦ୍ୟାଳୟରେ ଠିକା କର୍ମଚାରୀ ଭାଵରେ ଦିନଵନ୍ଧୁ ମିଶ୍ର ଚାକିରୀ କରୁଥିଲେ। ଅତି ସ୍ବଳ୍ପ ପାରିଶ୍ରମିକରେ ସନ୍ତୁଷ୍ଟ ହେବାକୁ ପଡୁଥିଲା। ବହୁ ବର୍ଷ ଧରି ସେ ଚାକିରୀକୁ ସ୍ଥାୟୀ କରିବାର ଆବେଦନ କରି ଆସିଛନ୍ତି। ବହୁବାର ଧାରଣା, ଅନଶନ ମଧ୍ୟ କରିଛନ୍ତି। ଇତିମଧ୍ୟରେ ସେ କଠିନ ଶ୍ବାସ ରୋଗରେ ପୀଡିତ ହେଲେ। ଏହାସହିତ ତାଙ୍କର ଓପନ୍‌ ହାର୍ଟ ସର୍ଜରୀ ମଧ୍ୟ ହୋଇଥିଲା। ଜୀବନ ପ୍ରତି ତାଙ୍କର ଏତେ ନିରାଶା ବଢି ଯାଇଥିଲା ଯେ ସେ ଅପରେସନ ପାଇଁ ରାଜି ହେଉ ନ ଥିଲେ। ବହୁ କଷ୍ଟରେ ତାଙ୍କୁ ରାଜି କରାଯାଇଥିଲା। ଚାକିରୀ ମାମଲାରେ ତାଙ୍କ ପ୍ରତି ନ୍ୟାୟ କରାଯାଇ ନ ଥିବା ଅଭିଯୋଗ କରି ସେ ଖୁବ ନିରାଶ ଭାଵ ବ୍ୟକ୍ତ କରିଆସିଛନ୍ତି।

Comments
Loading...