କମ୍ପାନୀଗୁଡ଼ିକ ପାଖରେ ପର୍ଯ୍ୟାପ୍ତ କୋଇଲା ମହଜୁଦ ଅଛି : ମନ୍ତ୍ରଣାଳୟ

ନୂଆଦିଲ୍ଲୀ : ଦେଶରେ କୋଇଲା ସଙ୍କଟକୁ ନେଇ କେନ୍ଦ୍ର କୋଇଲା ମନ୍ତ୍ରଣାଳୟ କହିଛି ଦେଶର କୋଇଲା କମ୍ପାନୀଗୁଡ଼ିକ ପାଖରେ ପର୍ଯ୍ୟାପ୍ତ ପରିମାଣର କୋଇଲା ମହଜୁଦ ଅଛି। କୋଲ୍‍ ଇଣ୍ଡିଆ ଲିମିଟେଡ୍‍ ପାଖରେ ୫୬ ନିୟୁତ ୭ ଲକ୍ଷ ଟନ୍‍ କୋଇଲା ମହଜୁଦ ଥିବାବେଳେ ସିଙ୍ଗାରେଣି କୋଲେରିଜ୍‍ କମ୍ପାନୀ ପାଖରେ ୪ ନିୟୁତ ୩ ଲକ୍ଷ ଟନ୍‍ କୋଇଲା ମହଜୁଦ ଅଛି ।

Coal production by Coal India Ltd (CIL) hiked by 27.2% in April 2022 as compared to the same period in 2021 & coal dispatch hiked by 5.8%. Coal stock at CIL is 56.7 MT & at SCCL is 4.3 MT… Thus, sufficient coal stock with coal companies is available: Ministry of Coal pic.twitter.com/wawsiMZ1jX

— ANI (@ANI) April 29, 2022

ମନ୍ତ୍ରଣାଳୟ କହିଛି କ୍ୟାପଟିଭ୍‍ କୋଲ୍‍ ବ୍ଲକ ଗୁଡ଼ିକରେ ୨ ନିୟୁତ ୩ଲକ୍ଷ ଟନ୍‍ କୋଇଲା ମହଜୁଦ ଅଛି । ସରକାର କୋଇଲା ପରିବହନକୁ ସହଜ କରିବା ପାଇଁ ଅନେକ ଯାତ୍ରୀବାହୀ ଟ୍ରେନ୍‍ର ଚଳାଚଳକୁ ବାତିଲ କରିବାକୁ ନିଷ୍ପତ୍ତି ନେଇଛନ୍ତି । ଦେଶର ତାପଜ ବିଦ୍ୟୁତ୍‍ କେନ୍ଦ୍ରଗୁଡ଼ିକୁ ଶୀଘ୍ର କୋଇଲା ପହଞ୍ଚାଇବା ଲକ୍ଷ୍ୟରେ ଏହି ନିଷ୍ପତ୍ତି ନିଆଯାଇଛି। ଯେଉଁ ରେଳଲାଇନ୍‍ ଗୁଡ଼ିକରେ ବିଶେଷ ଟ୍ରେନ୍‍ ଚଳାଚଳ କରୁନାହିଁ ସେହି ଲାଇନ୍‍ ଗୁଡ଼ିକରେ ଚାଲୁଥିବା ଟ୍ରେନ୍‍ଗୁଡ଼ିକୁ ବାତିଲ କରାଯିବ ।
ମନ୍ତ୍ରଣାଳୟ କହିଛି ଚଳିତ ମାସରେ କୋଲ୍‍ ଇଣ୍ଡିଆ ଲିମିଟେଡ୍‍ ଦ୍ୱାରା କୋଇଲା ଉତ୍ପାଦନ ଶତକଡା ୨୭ ଦଶମିକ ୨ ଭାଗ ବୃଦ୍ଧି ପାଇଛି। ଅନ୍ୟପକ୍ଷରେ କୋଇଲା ପଠାଇବା ଶତକଡା ୫ ଦଶମିକ ୮ ଭାଗ ବୃଦ୍ଧିପାଇଛି।

ସେହିଭଳି ଓଡ଼ିଶାରେ କୋଇଲା ସଙ୍କଟ ନାହିଁ ବୋଲି ରାଜ୍ୟ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ସ୍ପଷ୍ଟ କରିଛନ୍ତି।