ନୂଆଦିଲ୍ଲୀ : ମହିଳାମାନଙ୍କ ପ୍ରତି ହୋଇଥିବା ଯୌନଶୋଷଣ ଘଟଣାରେ ଭାରତରେ ଆରମ୍ଭ ହୋଇଥିବା ମି ଠୁ ଅଭିଯାନରେ ଚଳଚ୍ଚିତ୍ର ନିର୍ଦେଶକ ସୁବାଷ ଘାଇ ଛନ୍ଦୀ ହୋଇଯାଇଛନ୍ତି। ମଡେଲ ତଥା ଅଭିନେତ୍ରୀ କେଟ ଶର୍ମା ସୁବାଷ ଘାଇଙ୍କ ବିରୋଧରେ ସଙ୍ଗିନ ଅଭିଯୋଗ ଆଣିଛନ୍ତି। ପିଡୀତାଙ୍କ କହିବା ଅନୁସାରେ ସୁବାଷ ଘାଇ ମହିଳା ଜଣକୁ ଏକ ହୋଟେଲରେ ବଳତ୍କାର କରିଥିଲେ। ଏହାକୁ ନେଇ ସୁବାଷ ଘାଇ ସ୍ପଟିକରଣ ଦେବାପରେ ତାଙ୍କ ବିରୋଧରେ ଅନ୍ୟ ଏକ ଅଭିଯୋଗ ସାମ୍ନାକୁ ଆସିଛି। ମୁମ୍ବଇ ମିରର ରିପୋର୍ଟ ଅନୁସାରେ, ଅଭିନେତ୍ରୀ କେଟ ଶର୍ମା ସୁବାଷ ଘାଇଙ୍କ ବିରୋଧରେ ଥାନାରେ ଅଭିଯୋଗ କରିଛନ୍ତି। ସେ କହିଛନ୍ତି ଅଗଷ୍ଟ ୬ରେ ସୁବାଷ ଘାଇ ତାଙ୍କୁ ଘରକୁ ଡାକି ମସାଜ କରିବାକୁ କହିଥିଲେ। ଏହାପରେ ସେ ମୋ ସହ ଖରାପ ବ୍ୟବହାର କରିଥିବା କହିଛନ୍ତି। ରାତିରେ ନ ରହିଲେ ସେ ଚଳଚ୍ଚିତ୍ର ଦେବେ ନାହିଁ ବୋଲି କହିଥିଲେ। ଏ ସମସ୍ତ ଅଭିଯୋଗରେ ସୁବାଷ ଘାଇ କହିଛନ୍ତି, ଗଣମାଧ୍ୟମରେ ମୁଁ ସମସ୍ତ ଘଟଣାକୁ ଦେଖୁଥିଲି। ଘଟଣାରେ କୌଣସି ସତ୍ୟତା ନଥାଇ ଏଭଳି ଅଭିଯୋଗ ହୋଇଥିବା ସେ କହିଛନ୍ତି।
