ସୁଆଣ୍ଡୋ : ପୁରୀ ଜିଲା ସତ୍ୟବାଦୀ ବ୍ଲକ ଅନ୍ତର୍ଗତ ବିଦ୍ୟାଧରପୁର ଗ୍ରାମରେ ଇଷ୍ଟଦେବୀ ମା’ ଚର୍ଚ୍ଚିକାଙ୍କ ମନ୍ଦିର ପ୍ରତିଷ୍ଠା ବୁଧବାର ଶେଷ ହୋଇଛି । ଏହି ଅବସରରେ ମନ୍ଦିରରେ ଠାକୁରାଣୀ ନୂତନ ସିଂହାସନ ବିଜେ କରିଥିବା ବେଳେ ପାର୍ଶ୍ୱଦେବତା ଙ୍କୁ ପ୍ରତିଷ୍ଠା କରାଯାଇ ସ୍ଥାପନ କରାଯାଇଛି। ୫ ଦିନ ଧରି ଯଜ୍ଞ କର୍ମ ଚାଲିଥିଲା । ରବିବାର ଅଙ୍କୁରାରୋପଣ ଧ୍ୟାନାଧିବାସ ମଣ୍ଡଳ କରଣ ସୋମବାର କଳସ ଯାତ୍ରା ଘଟମଣ୍ଡଳ ପୂଜା ଅଗ୍ନି ସ୍ଥାପନ ମଙ୍ଗଳ ବାର ନୂତନ ବିଗ୍ରହ ସ୍ନାନ ଶୟନ ସପ୍ତସତୀ ମନ୍ତ୍ରରେ ଆହୁତି କରାଯାଇ ବୁଧବାର ମାଆଙ୍କର ମନ୍ଦିର ପ୍ରବେଶ ସହିତ ପୂର୍ଣ୍ଣାହୁତି କରାଯାଇ ଥିଲା । ପଣ୍ଡିତ ମୃତ୍ୟୁଞ୍ଜୟ ଦାଶ ଓ ଅନ୍ୟାନ୍ୟ ୯ଜଣ ପଣ୍ଡିତ ଯଜ୍ଞ କର୍ମ ସମ୍ପାଦନ କରିଥିଲେ। ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ , ସାଂସଦ ପିନାକୀ ମିଶ୍ର ,ବ୍ଲକ ଅଧ୍ୟକ୍ଷ ସସ୍ମିତା ପ୍ରଧାନ . ଉପାଧ୍ୟକ୍ଷ ବିକ୍ରମକେଶରୀ ଜେନା, ଜିଲାପରିଷଦ ସଭ୍ୟ ଧ୍ରୁବ ଚରଣ ଦାଶ , ୩୩ ନଂ ଜୋନର ସମସ୍ତ ସରପଂଚ ସମିତି ସଭ୍ୟ ଏଥିରେ ଯୋଗଦେଇ ଥିଲେ । ଯଜ୍ଞରେ ଦୁଶାସନ ପ୍ରଧାନ ଓ ରଶ୍ମିତା ପ୍ରଧାନ କର୍ତ୍ତା ଭାବେ ରହିଥିଲେ । ପ୍ରତ୍ୟହ ସୂର୍ୟ୍ୟ ପୂଜା ଗୋ ପୂଜା ଓ ସ୍ତବ୍ଧ ଓ ସ୍ତୋତ୍ରପାଠ ସହିତ ସଂକିର୍ତ୍ତନ କରାଯାଇ ଥିଲା । ସମସ୍ତ ଙ୍କ ଦାଣ୍ତ ଦୁଆରେ ପୂର୍ଣ୍ଣ କୁମ୍ଭ ଦୀପ ଜଳୁଥିବା ବେଳେ ୫ ଦିନ ଧରି ଗ୍ରାମବାସୀ ହବିଷ୍ୟାନ୍ନ ରେ ରହିଥିଲେ । ଗ୍ରାମବାସୀଙ୍କ ମିଳିତ ସହଯୋଗ ରେ ସମସ୍ତ କାମ ସମ୍ପାଦନ ହୋଇଥିଲା ।
Comments are closed.