କରୁଆମୁଣ୍ଡା ଗ୍ରାମ ପଞ୍ଚାୟତର ଚାଷୀମାନଙ୍କର ଗଣଧାରଣା

କଂଟାବାଂଜି : ଗତ ୨୦୧୯-୨୦ ବର୍ଷର ପ୍ରଧାନମନ୍ତ୍ରୀ ଫସଲ ବୀମାର କୃଷି ବୀମାରାଶି ପାଇ ନ ଥିବା ଦାବିରେ ସ୍ଥାନୀୟ ତହସିଲ ଅଫିସ ସମ୍ମୁଖରେ ଚାଷିମାନେ ଗଣ ଧାରଣା ଦେଇଛନ୍ତି। ତୁରେକେଲା ବ୍ଲକ କରୁଆଁମୁଣ୍ଡା ପଂଚାୟତର ଚାଷୀମାନେ ବୀମା ରାଶି ପାଇ ନ ଥିବାରୁ ଲକ୍ଷଣ ବାଗଙ୍କ ନେତୃତ୍ୱରେ ଏହି ଧାରଣା ଦିଆଯାଇଛି। ଏହି ଧାରଣା ପୂର୍ବରୁ ଚାଷୀମାନେ ତହସିଲଦାର ଅଶୋକ ମାଝୀ କଂଟାବାଂଜିଙ୍କୁ ବୀମା ରାଶି  ସେପ୍ଟେମ୍ବର ୧୭ତାରିଖ ସୁଦ୍ଧା ନ୍ୟାୟ ପ୍ରଦାନ ନ କଲେ ଆନ୍ଦୋଳନ ଧମକ ଦେଇଥିଲେ। ଏହି ପରିପ୍ରେକ୍ଷିରେ ପଂଚାୟତର ଚାଷୀମାନେ ବୀମା ରାଶି ପ୍ରଦାନ ଦାବି କରି ଗଣ ଧାରଣାରେ ସାମିଲ ଥିଲେ। ଏହି ଗଣ ଧାରଣାରେ ନୃପ ମାଝୀ, ଳକୁମର ପୁଟେଲ, ଜଗବନ୍ଧୁ ବନଛୋର ବିମଲ କୁମାର ଭାଟି ସହ ଅନ୍ୟମାନେ ସାମିଲ ଥିଲେ ପରେ ଭାଜପା ଜିଲ୍ଲା ସଭାପତି ଶିବାଜୀ ମହାନ୍ତି ଆନ୍ଦୋଳନକାରୀଙ୍କୁ ବୁଝାସୁଝା କରିବା ସହିତ ଆଗାମୀ ଦିନରେ ଆନ୍ଦୋଳନରେ ସାମିଲେ ହେବେ ବୋଲି ଚେତାବନୀ ଦେଇଛନ୍ତି।

Comments
Loading...