ଫୁଲବାଣୀ(ଜି.ଉଦୟଗିରି) : କରୋନା ମହାମାରି ଯୋଗୁଁ ଗରୀବ ଆହୁରି ଅଧିକରୁ ଅଧିକ ଗରିବ ହୋଇଗଲାଣି। ଲୋକଙ୍କୁ କାମଧନ୍ଦା ମଧ୍ୟ ଠିକ୍ ଭାବେ ମିଳିପାରୁନାହିଁ। ଫେରିଥିବା ପ୍ରବାସୀ ମାନେ ମଧ୍ୟ ଚିନ୍ତାଗ୍ରସ୍ତ ହୋଇ ବସିଛନ୍ତି। ତେବେ ଏଭଳି ପରିସ୍ଥିତିରେ ମଧ୍ୟ ଗାଁ ଗାଁରେ ଚୋରରେ ଚାଲିଛି ବ୍ୟାପକ ଦେଶୀ ମଦକାରବାର। ବିଶେଷ କରି ବୟସ୍କ ମାନଙ୍କ ପରି ଯୁବଗୋଷ୍ଠି ମଧ୍ୟ ଏହି ନିଶାକୁ ସେବନ କରି ବିଭିନ୍ନ ସମୟରେ ବିଭିନ୍ନ ପ୍ରକାର ଅଶାନ୍ତିକର ବାତାବରଣ ସୃଷ୍ଟି ହେଉଛି। ଏହାକୁ ଦୃଷ୍ଟିରେ ରଖି ଡ଼କେଡ଼ି ଅଞ୍ଚଳବାସୀ ଏକଜୁଟ୍ ହୋଇ ଚୋରା ମଦକାରବାର ବନ୍ଦ କରିବା ପାଇଁ ନେଇଛନ୍ତି ବଜ୍ର ଶପଥ। ଗ୍ରାମର ମହିଳା ସ୍ୱୟଂ ସହାୟକ ଗୋଷ୍ଠିର ମାଆମାନେ ଏକଜୁଟ୍ ହୋଇ ଏହି ମଦକାବର ବନ୍ଦ କରିବା ପାଇଁ ଆରମ୍ଭ କରିଛନ୍ତି ଅଭିଯାନ। ମହୁଲି ମଦ ରାନ୍ଧିବା କିମ୍ବା ବିକ୍ରି କରିବା ନଜରକୁ ଆସିଲେ ସିଧାସଳଖ ଥାନାରେ ଜଣାଇବା ସହିତ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମଧ୍ୟ ସରପଂଚ ପ୍ରତିଶୃତି ଦେଇଛନ୍ତି। ଏଥିରେ ବହୁ ବୁଦ୍ଧଜୀବି , ଯୁବଗୋଷ୍ଠି ମଧ୍ୟ ସାମିଲ୍ ହୋଇଛନ୍ତି। ଏନେଇ ଗ୍ରାମରେ ଡ଼ିଣ୍ଡିରା ବଜାଇ ସମସ୍ତ ଗାଁ ଗାଁରେ ସେଚତନ କରିବା ଓ ପରବର୍ତ୍ତି ସମୟରେ କାର୍ଯ୍ୟାନୁଷ୍ଠାନ ପାଇଁ ମଧ୍ୟ ନିଷ୍ପତି ନିଆଯାଇଥିବା ସରପଂଚ ଶ୍ରୀମତି ବନ୍ଦିନୀ ପ୍ରଧାନ ସୂଚନା ଦେଇଛନ୍ତି।
Comments are closed.