ଆଇ-ଫୋନ୍, ସ୍ମାର୍ଟ ଫୋନ୍ ବଜାରରେ ଏଇ ଫୋନ୍ର ସ୍ଥାନ ବେଶ୍ ସ୍ବତନ୍ତ୍ର। ଆପଲ୍ କମ୍ପାନୀର ସିଇଓ ସ୍ବର୍ଗୀୟ ଷ୍ଟିଭ୍ ଜବ୍ସଙ୍କର ଯୁବପିଢ଼ିଙ୍କୁ ଆଇ ଫୋନ୍ ଏକ ଉଚ୍ଚକ୍ଷମତାସମ୍ପନ୍ନ ଯାନ୍ତ୍ରିକ ଉପହାର। ନିଜ ଟିମ୍ ସଦସ୍ୟଙ୍କ ସହ ଅକ୍ଳାନ୍ତ ପରିଶ୍ରମ କରିବା ପରେ ହିଁ ଏହି ଫୋନ୍୍କୁ ଷ୍ଟିଭ୍ ତିଆରି କରିଥିଲେ। ୨୦୦୭, ଜାନୁଆରୀ ୯ରେ ଏଇ ଫୋନ୍ ସର୍ବସମ୍ମୁଖରେ ଉନ୍ମୋଚନ ହୋଇଥିଲା। ଆମେରିକାର ମସକୋନ୍ ସେଣ୍ଟର୍ରେ ସେଦିନ ଆଇଫୋନ୍ ଉନ୍ମୋଚନ କାର୍ଯ୍ୟକ୍ରମ ଆୟୋଜିତ ହେବା ସହ ଷ୍ଟିଭ୍ ଏଥିରେ ପରିଚାଳନା ଦାୟିତ୍ବରେ ଥିଲେ। ବଜାର ପ୍ରବେଶ ପୂର୍ବରୁ ଆଇଫୋନ୍ର ବିଜ୍ଞାପନ ଗ୍ରାହକଙ୍କୁ ଆକର୍ଷିତ କରିବା ଜରୁରୀ। ଏହି ଫୋନ୍ର ବୈଶିଷ୍ଟ୍ୟମାନ ଷ୍ଟିଭ୍ ପ୍ରକାଶ କରିବା ସହ ଉପସ୍ଥିତି ଜନସାଧାରଣଙ୍କ ଅନୁରୋଧରେ ପ୍ରଥମ କଲ୍ କଲେ। ପ୍ରଥମ କଲ୍ ସେ ସାନ୍ଫ୍ରାନସିସ୍କୋର ଷ୍ଟାରବକ୍ସ କଫି ସପ୍କୁ କରି ଫୋନ୍କୁ ସ୍ପିକର୍ରେ ରଖିଲେ। ଷ୍ଟାରବକ୍ସର ଜନୈକ କର୍ମଚାରୀ ଫୋନ୍ ଉଠାଇବା ପରେ ଷ୍ଟିଭ୍ ତାଙ୍କୁ ଅଭିବାଦନ ଜଣାଇ ୪,୦୦୦ କପ୍ କଫି ବରାଦ୍ କଲେ। କର୍ମଚାରୀଜଣକ ଆଶ୍ଚର୍ଯ୍ୟ ହେଲେ କାରଣ ୪ହଜାର କପ୍ କଫି ଆଦୌ ଛୋଟ ପରିମାଣ ନଥିଲା। ସେ ଅଧିକ କିଛି ଭାବିବା ପୂର୍ବରୁ ଷ୍ଟିଭ୍ ଫୋନ୍ ଏ ପାଖରୁ ଜୋର୍ରେ ହସି କହିଥିଲେ, କ୍ଷମା କରିବେ, ମୁଁ ମଜା କରୁଥିଲି। ପରେ ଷ୍ଟିଭ୍ ଫୋନ୍ କାଟିଦେଇଥିଲେ। ଷ୍ଟିଭ୍ଙ୍କ ଏଇ ପ୍ରଥମ ଆଇଫୋନ୍ କଲ୍ର ସମ୍ପୂର୍ଣ୍ଣ ବିବରଣୀ ଷ୍ଟାରବକ୍ସର ସାନ୍ଫ୍ରାନସିସକୋର ସମସ୍ତ ଷ୍ଟୋର୍ରେ ଉଲ୍ଲେଖ ହୋଇରହିଛି। ଆଇଫୋନ୍ର ଏଇ ପ୍ରଥମ ଫୋନ୍ କଲ୍ ପରେ ବିଶ୍ବବ୍ୟାପୀ ଚର୍ଚ୍ଚିତ ହୋଇଥିଲା। କାରଣ ଫୋନ୍ର ବିଜ୍ଞାପନ ପାଇଁ ଷ୍ଟିଭ୍ ଥଟ୍ଟା,ମଜା କରିଥିଲେ।
Comments are closed.