ମୁମ୍ବାଇ: ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ କେଇ ସପ୍ତାହ ବିତି ଗଲାଣି ।ତାଙ୍କ ପରିବାର ଓ ପ୍ରଶଂସକ ଏହାକୁ ନେଇ ଉଦାସ । ସୁଶାନ୍ତଙ୍କ ମୃତ୍ୟୁ ତଦନ୍ତକୁ ନେଇ ମଧ୍ୟ ରାଜନୀତି ସରଗରମ । ହେଲେ ଏହା ମଧ୍ୟରେ ତାଙ୍କର ପ୍ରିୟ ପୋଷାକୁକୁର ‘ଫଜ୍’ ସୁଶାନ୍ତଙ୍କୁ ବହୁତ ଝୁରୁଛି । ଏହି ମୂକ ଜୀବଟିର ଏକ ଭିଡ଼ିଓ ଏବେ ସାମ୍ନାକୁ ଆସିଛି । ଯେଉଁଥିରେ ଫଜ୍ ସୁଶାନ୍ତ ସିଂହଙ୍କ ବାଇକ୍ ଚାରିପଟେ ଘୁରିଘୁରି ସୁଶାନ୍ତଙ୍କୁ ଖୋଜୁଥିବା ଦେଖାଯାଉଛି । ଟ୍ବିଟରରେ ଏହି ଭିଡ଼ିଓ ସୁଶାନ୍ତ ସିଂହଙ୍କର ଜଣେ ପ୍ରଶଂସକ ପୋଷ୍ଟ କରିଛନ୍ତି । 
ଫଜ୍ ଓ ସୁଶାନ୍ତଙ୍କ ମଧ୍ୟରେ ସମ୍ପର୍କ ଥିଲା ବେଶ୍ ନିବିଡ଼ । ନିଜର କୁକୁରକୁ ସୁଶାନ୍ତ ବହୁତ ଭଲ ପାଉଥିଲେ । ତାକୁ ସାଥୀରେ ନେି ବୁଲିବାକୁ ଯାଉଥିଲେ, ଆଦର କରୁଥିଲେ । ବିଭିନ୍ନ ସମୟରେ କୁକୁର ସହ ଖେଳୁଥିବା ଭିଡ଼ିଓ ମଧ୍ୟ ଇଣ୍ଟରନେଟରେ ଦେଖାଯାଇଛି । ନିଜ କୁକୁର ସହ ଫଟୋ ଉଠାଇବାକୁ ସୁଶାନ୍ତ ଭଲ ପାଉଥିଲେ ଓ କୁକୁର ‘ଫଜ୍’ ମଧ୍ୟ ତାଙ୍କୁ ବେଶ୍ ଭଲ ପାଉଥିଲା । ୟୁନାଇଟେଡ଼୍ ଫର ଜଷ୍ଟିସ ନାମକ ଏକ ପେଜରେ ସୁଶାନ୍ତଙ୍କ କୁକୁର ଫଟୋ ଓ ଭିଡ଼ିଓ ପୋଷ୍ଟ କରାଯାଇଛି । ଏଥିରେ ତାଙ୍କ କୁକୁର ବହୁତ ଦୁଃଖୀ ଥିବା ଦେଖାଯାଉଛି ।
Comments are closed.