ଶ୍ରୀଲଙ୍କା ରାଷ୍ଟ୍ରପତିଙ୍କ ସର୍ବଦଳୀୟ ବୈଠକ

0

କଲମ୍ବୋ : ଶ୍ରୀଲଙ୍କାରେ ଦେଖାଯାଇଥିବା ରାଜନୈତିକ ଅଚଳାବସ୍ଥା ପରିପ୍ରେକ୍ଷୀରେ ରାଷ୍ଟ୍ରପତି ମୈତ୍ରୀପାଲ ଶିରୀସେନା ରବିବାର ସର୍ବଦଳୀୟ ବୈଠକ କରିଛନ୍ତି। ଦେଶର ରାଜନୈତିକ ଅଚଳାବସ୍ଥାକୁ ଦୂର କରିବା ଲାଗି ରାଷ୍ଟ୍ରପତି ଏହି ସର୍ବଦଳୀୟ ବୈଠକ ଡକାଇଛନ୍ତି। ଅକ୍ଟୋବର ୨୬ରେ ରାଷ୍ଟ୍ରପତି ଏକ ବିବାଦୀୟ ନିଷ୍ପତ୍ତିକ୍ରମେ ପ୍ରଧାନମନ୍ତ୍ରୀ ରନିଲ ବିକ୍ରମସିଙ୍ଘେଙ୍କୁ ବରଖାସ୍ତ କରି ମହିନ୍ଦା ରାଜପକ୍ଷେଙ୍କୁ ଏହି ପଦରେ ଅବସ୍ଥାପିତ କରିଥିଲେ। ଏହା ପରେ ରାଷ୍ଟ୍ରପତି ପାର୍ଲାମେଣ୍ଟକୁ ଭାଙ୍ଗିଦେଇଥିଲେ। ତେବେ ସୁପ୍ରିମକୋର୍ଟ ରାଷ୍ଟ୍ରପତିଙ୍କ ଏହି ନିଷ୍ପତ୍ତିକୁ ରଦ୍ଦ କରିବା ସହିତ ମଧ୍ୟବର୍ତ୍ତୀକାଳୀନ ନିର୍ବାଚନ ପ୍ରକ୍ରିୟା ଉପରେ ରହିତାଦେଶ ଜାରି କରିଥିଲେ। ସୁପ୍ରିମକୋର୍ଟଙ୍କ ଏହି ନିର୍ଦେଶ ପରେ ଦେଶର ରାଜନୈତିକ ଅଚଳାବସ୍ଥା ଅଧିକ ଜଟିଳ ହୋଇପଡିଥିଲା। ଅନ୍ୟପଟେ ମହିନ୍ଦା ରାଜପକ୍ଷେ ପାର୍ଲାମେଣ୍ଟର ଆଗତ ଆସ୍ଥା ଭୋଟରେ ପରାସ୍ତ ହୋଇଥିଲେ।

Comments
Loading...