ପିପିଲି: ପିପିଲି ସାଂସ୍କୃତିକ ପରିଷଦ ପକ୍ଷରୁ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି। ଏହି କାର୍ୟ୍ୟକ୍ରମକୁ ଅବସର ପ୍ରାପ୍ତ କ୍ରୀଡା ବିଭାଗର ଉପ-ନିର୍ଦେଶକ ଡଃ ନୀଳ ମାଧବ ମିଶ୍ର ଉଦଘାଟନ କରିଥିଲେ। ପିପିଲି ପଶୁ ସମ୍ପଦ କାର୍ୟ୍ୟାଳୟ ସମ୍ମୁଖରୁ ବିଭିନ୍ନ ସ୍କୁଲ ଓ କ୍ରୀଡା ଅନୁଷ୍ଠାନର ଛାତ୍ରଛାତ୍ରୀମାନେ ଏକ ଶୋଭାଯାତ୍ରାରେ ବାହାରି ପିପିଲି ବଜାର ପରିକ୍ରମା କରିଥିଲେ। ପିପିଲି ସାଂସ୍କୃତିକ ପରିଷଦର ସମ୍ପାଦକ, ସମାଜସେବୀ ରମେଶ ଚନ୍ଦ୍ର ମହାପାତ୍ର, ଦୀନବନ୍ଧୁ ବେହୁରା, ଇଂ ରମେଶ ଶତପଥି, ସୁଦର୍ଶନ ମିଶ୍ର ପ୍ରମୁଖ ଜାତୀୟ କ୍ରୀଡା ଦିବସ ସମ୍ପର୍କରେ ଆଲୋକପାତ କରିଥିଲେ।
