ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ବାଚନ ପ୍ରତିଶୃତି କରିବା ଲାଗି ବିଜେପୁର ବିଧାନସଭା ନିର୍ବାଚନ ମଣ୍ଡଳୀରେ ୩୪ ହଜାର କଚ୍ଚା ଘରକୁ ପକ୍କା ଘରରେ ପରିଣତ କରିବା ପାଇଁ ଘୋଷଣାରେ କରିଛନ୍ତି।
ଅନ୍ୟପକ୍ଷରେ ବରଗଡ଼ ଜିଲ୍ଲାର ୫୦୫ଟି ଗ୍ରାମର ୮ ଲକ୍ଷ ଲୋକଙ୍କୁ ପାନୀୟ ଜଳ ଯୋଗାଇ ଦେବାଲାଗି ୧୧୨୦ କୋଟି ଟଙ୍କା ବିନିଯୋଗରେ ଦୁଇଟି ବୃହତ ଜଳ ପ୍ରକଳ୍ପ କରାଯିବ। ଫଳରେ ବିଜେପୁର ନିର୍ବାଚନ ମଣ୍ଡଳୀର ସମସ୍ତ ଗ୍ରାମକୁ ଆଗାମୀ ଦୁଇ ବର୍ଷ ମଧ୍ୟରେ ପାଇପ ଜରିଆର ପାନୀୟ ଜଳ ଯୋଗାଇ ଦିଆଯିବ। ସେହିପରି ପାର୍ବତୀଗିରି ମେଗା ଉଠାଜଳସେଚନ ପ୍ରକଳ୍ପ ମାଧ୍ୟମରେ ଗାଇସିଲେଟ ବ୍ଲକର ବରୁମୁଣ୍ଡା ଗ୍ରାମ ପଞ୍ଚାୟତରେ ୪୮ କୋଟି ଟଙ୍କା ବ୍ୟୟ ଅଟକଳରେ ଏକ ବୃହତ ଉଠାଜଳସେଚନ ନୂଆ ପ୍ରକଳ୍ପ, ୨୯ଟି ରିଭର ଲିପ୍ଟ ପ୍ରକଳ୍ପ ଏବଂ ୩୦୦୦ ଗଭୀର ନଳକୂପ ପ୍ରକଳ୍ପ ପ୍ରତିଷ୍ଠା କରାଯିବ।
ଆସନ୍ତା ଦୁଇ ବର୍ଷ ମଧ୍ୟରେ ବିଜେପୁର ଏବଂ ବରପାଲିରେ ପାନୀୟ ଜଳ ଯୋଗାଣ, ରାସ୍ତାରେ ଆଲୁଅ ବ୍ୟବସ୍ଥା, ରାସ୍ତା, ଡ୍ରେନେଜ, ଟାଉନ ହଲ, କମ୍ୟୁନିଟି କେନ୍ଦ୍ର, କଲ୍ୟାଣ ମଣ୍ଡପ, ଷ୍ଟାଡିୟମ, ମାର୍କେଟ କମ୍ପେ୍ଳକ୍ସ, ପାର୍କ ଓ ଅଫିସ ବିଲଡିଂର ବିକାଶ ପାଇଁ ୪୦କୋଟି ଟଙ୍କା ଲେଖାଏଁ ବିନିଯୋଗ କରିବାକୁ ନିଷ୍ପତ୍ତି ହୋଇଛି। ଚାଷୀମାନଙ୍କୁ ନିରବଛିନ୍ନ ବିଦ୍ୟୁତ ଯୋଗାଣ ପାଇଁ ୩୩ କେ.ଭି ଓ ୧୧ କେ.ଭି ଲାଇନ ନିର୍ମାଣ ସହ ୫୦ଟି ନୂତନ ପରିବହନ ଟ୍ରାନ୍ସଫରମର ସ୍ଥାପନ କରାଯିବାକୁ ସ୍ଥିର ହୋଇଛି।
ଗାଇସିଲଟ ତହସିଲ ଅନ୍ତର୍ଗତ ଗୁଡ଼େରପାଲି, ତଳପାଲି ଏବଂ ଡାଙ୍ଗବାହାଲରେ ନୂତନ ୩ଟି ଆର.ଆଇ ସର୍କଲ, ବିଜେପୁର ବ୍ଲକର ତଳପଦରଠାର ଜନସ୍ୱାସ୍ଥ୍ୟ କେନ୍ଦ୍ର, ସରକାରୀ ଆଇଟିଆଇ ଓ ଦୁଇଟି ଦକ୍ଷତା ବିକାଶ କେନ୍ଦ୍ର ମଧ୍ୟ ଖୋଳାଯିବାକୁ ନିଷ୍ପତ୍ତି ନିଆଯାଇଛି।
Comments are closed.