ନୂଆଦିଲ୍ଲୀ : ଲୋକସଭା ନିର୍ବାଚନ ପୂର୍ବରୁ ହୋଇଥିବା ମହାମେଣ୍ଟ ଏସପି-ବିଏସପି-ଆରଏଲଡି ଏବେ ବିଭାଜନ ଆଡକୁ ଯାଉଛି। ମହାମେଣ୍ଟରୁ ଓହରି ଏକାକୀ ନିର୍ବାଚନ ଲଢିବା ଲାଗି ବହୁଜନ ସମାଜ ପାର୍ଟି (ବିଏସପି) ମୁଖ୍ୟ ମାୟାବତୀ ସୂଚନା ଦେଇଛନ୍ତି। ଆଗାମୀ ଦିନରେ ଉତ୍ତରପ୍ରଦେଶର ୧୧ଟି ବିଧାନସଭା ଆସନରେ ଉପନିର୍ବାଚନ ହେବାକୁ ଯାଉଥିବାବେଳେ ବିଏସପି ଏହାକୁ ଏକାକୀ ଲଢିବ ବୋଲି ମାୟାବତୀ ସୂଚନା ଦେଇଛନ୍ତି।
ସୋମବାର ମାୟାବତୀ ଦଳୀୟ କର୍ମୀଙ୍କୁ କହିଛନ୍ତି ଯେ ନିର୍ବାଚନ ଜିତିବା ଲାଗି ମେଣ୍ଟ ସହଯୋଗୀଙ୍କ ଉପରେ ନିର୍ଭର କର ନାହିଁ। ନିର୍ବାଚନରେ ବିଜୟ ଲାଗି ଦଳର ସଂଗଠନକୁ ମଜଭୁତ କରିବାକୁ ସେ ପରାମର୍ଶ ଦେଇଛନ୍ତି। ଏପରିକି ଆଗାମୀ ଦିନରେ ହେବାକୁ ଥିବା ଉପନିର୍ବାଚନ ଏକାକୀ ଲଢିବା ଲାଗି ପ୍ରସ୍ତୁତ ହେବାକୁ ମାୟାବତୀ କର୍ମୀଙ୍କୁ କହିଛନ୍ତି। ମାୟାବତୀଙ୍କ ଏହି ମନ୍ତବ୍ୟ ଆଗାମୀ ଦିନରେ ମହାମେଣ୍ଟର ବିଭାଜନ ନେଇ ସୂଚନା ଦେଉଛି। ଗତ ଲୋକସଭା ନିର୍ବାଚନରେ ଉତ୍ତରପ୍ରଦେଶର ୮୦ଟି ଲୋକସଭା ଆସନରୁ ବିଜେପି ୬୨ଟିରେ ବିଜୟୀ ହୋଇଥିବାବେଳେ ଏହାର ସହଯୋଗୀ ଆପନା ଦଳ ୨ଟିରେ ବିଜୟୀ ହୋଇଥିଲା। ବିଏସପି ୧୦ଟି ଆସନ,ଏସପି ୫ ଓ କଂଗ୍ରେସ ୧ଟି ଆସନରେ ବିଜୟୀ ହୋଇଛି।
Comments are closed.