ସଲମାନଙ୍କ ସହ ‘ଦବଙ୍ଗ-୩’ରେ ନଜର ଆସିବେ ତେଲୁଗୁ ଚଳଚ୍ଚିତ୍ରର ଏହି ହାସ୍ୟ ଅଭିନେତା

ମୁମ୍ବଇ : ସଲମାନ ଖାନଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଦବଙ୍ଗ-୩’ରେ ଲୋକପ୍ରିୟ ତେଲୁଗୁ ହାସ୍ୟ ଅଭିନେତା ଅଲୀ ବାଶା ନଜର ଆସିବେ। ଖୁବଶୀଘ୍ର ଏହି ହାସ୍ୟ ଅଭିନେତା ସଲମାନଙ୍କ ସହ ମିଶି ‘ଦବଙ୍ଗ-୩’ରେ ଦର୍ଶକଙ୍କୁ ହସାଉଥିବା ଦେଖିବାକୁ ମିଳିବ।

ଚଳଚ୍ଚିତ୍ରରେ ଅଲୀ ସଲମାନଙ୍କ ଡ଼ାହାଣ ହାତ ଭାବେ କାମ କରିଛନ୍ତି। ଅର୍ଥାତ୍‍ ସେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ସଲମାନଙ୍କ ସହ ଅଲୀ ବାଶାଙ୍କ ଏକ ଫଟୋ ସାମାଜିକ ଗଣମାଧ୍ୟମରେ ଦେଖିବାକୁ ମିଳିଛି। ଏଥିରେ ଅଲୀ ପୁଲିସ ପୋଷାକ ପିନ୍ଧିଛନ୍ତି। ଅଲୀଙ୍କ ସହିତ ତାଙ୍କ ପତ୍ନୀ ଓ ପିଲାଙ୍କୁ ମଧ୍ୟ ଦେଖିବାକୁ ମିଳିଛି। ଯେତିକି ଆକର୍ଷଣୀୟ ଏହି ଫଟୋ, ସେହି ଅନୁସାରେ ଆଶା କରାଯାଉଛି ଯେ ପରଦାରେ ମଧ୍ୟ ସଲମାନ ଓ ଅଲୀ ଏକାଠି ମିଶି ଲୋକଙ୍କୁ ଭରପୂର ମନୋରଞ୍ଜନର ଖୋରାକ ଯୋଗାଇବାରେ ସମର୍ଥ ହେବେ।

ପ୍ରକାଶଯୋଗ୍ୟ, ପ୍ରଭୁଦେବା ଚଳଚ୍ଚିତ୍ରର ନିର୍ଦ୍ଦେଶନା ଭାର ବହନ କରିଛନ୍ତି। ଏହାର ଶୁଟିଂ ମଧ୍ୟ ଆରମ୍ଭ ହୋଇସାରିଛି। ଏଥିରେ କନ୍ନଡ଼ ଅଭିନେତା କିଚ୍ଚା ସୁଦୀପ ଖଳନାୟକ ଭୂମିକାରେ ଅଭିନୟ କରିଛନ୍ତି।