ସମାଜ ପୋର୍ଟାଲ ଡେସ୍କ: କୋଭିଡ-୧୯ ମହାମାରୀଙ୍କୁ ଦୃଷ୍ଟିରେ ରଖି ରେଳ ଡାକ୍ତରଖାନାରେ ରୋଗୀଙ୍କ ଯତ୍ନ ନେବା ପାଇଁ ଦକ୍ଷିଣ କେନ୍ଦ୍ରୀୟ ରେଳ ମଣ୍ଡଳ ଏକ ରୋବୋଟିକ୍ ଉପକରଣ ‘ରେଲ ବୋଟ’ (R-BOT) ବିକଶିତ କରିଛି। ହାଇଦ୍ରାବାଦ ଡିଭିଜନର ଅତିରିକ୍ତ ଡିଭିଜନାଲ ରେଳ ମ୍ୟାନେଜର ହେମ ସିଂ ବାନୋଥଙ୍କ ଦ୍ୱାରା ବିକଶିତ ଏହି ରୋବୋଟିକ୍ ଉପକରଣ ‘ରେଲ ବୋଟ’ ପାଇଁ ଜୋନ୍ ମୁଖ୍ୟ ଗଜାନନ ମାଲ୍ୟା ଓ ଜେନେରାଲ୍ ମ୍ୟାନେଜର ତାଙ୍କୁ ପ୍ରଶଂସା କରିଛନ୍ତି।
ଦକ୍ଷିଣ କେନ୍ଦ୍ରୀୟ ରେଳବାଇର ଏକ ପ୍ରେସ ବିଜ୍ଞପ୍ତି ଅନୁଯାୟୀ ଏହା ଚିକିତ୍ସା ସେବା ପରିଚାଳନାକୁ ଅଧିକ ଦୃଢ କରିବା ପାଇଁ ବିଶେଷ ସହାୟତା କରିବ। ଏହାର ବ୍ୟବହାର ପୂର୍ବରୁ ସିକନ୍ଦରାବାଦ ସ୍ଥିତ କେନ୍ଦ୍ରୀୟ ରେଳ ଡାକ୍ତରଖାନାରେ ରେଲ ବୋଟର ବ୍ୟାପକ ପରୀକ୍ଷଣ ଏବଂ ପ୍ରଦର୍ଶନ କରାଯାଇଥିଲା। କୌଣସି ଶାରୀରିକ ସ୍ପର୍ଶ ନ କରି ଏହା ଔଷଧ, ଚିକିତ୍ସା ସାମଗ୍ରୀ ଏବଂ ରୋଗୀଙ୍କୁ ଖାଦ୍ୟ ଯୋଗାଇବା ପାଇଁ ସକ୍ଷମ। ଏହାର ବ୍ୟବହାର ଫଳରେ ଡାକ୍ତର, ନର୍ସ ଏବଂ ଅନ୍ୟାନ୍ୟ ମେଡିକାଲ କର୍ମଚାରୀଙ୍କୁ ସଂକ୍ରମଣ ଠାରୁ ଦୂରରେ ରହିପାରିବେ ବୋଲି କୁହାଯାଇଛି।
Comments are closed.