ଝାଡ଼ଖଣ୍ଡ ସରକାରଙ୍କ ୱେବସାଇଟରେ ହଜାରେ ସଂଖ୍ୟକ ଆଧାର କାର୍ଡ଼ ନମ୍ବର ପ୍ରଘଟ

0

ନୂଆଦିଲ୍ଲୀ: ହଜାରରୁ ଅଧିକ ଝାଡ଼ଖଣ୍ଡ ସରକାରୀ କର୍ମଚାରୀଙ୍କ ଆଧାର କାର୍ଡ଼ ନମ୍ବର ସରକାରୀ ୱେବସାଇଟରେ ପ୍ରକାଶିତ ହୋଇଯାଇଛି। “ଝାଡ଼ଖଣ୍ଡ.ଗଭ.ଇନ’ ନାମକ ପୋର୍ଟାଲରେ ଝାଡ଼ଖଣ୍ଡ ସରକାର କର୍ମଚାରୀଙ୍କ ଆଟେଡେନ୍ସ ରିପୋର୍ଟ ସର୍ବସାଧାରଣ କରିବାକୁ ଯାଇ ସେମାନଙ୍କ ଆଧାର କାର୍ଡ଼ ନମ୍ବର ମଧ୍ୟ ସର୍ବସାଧାରଣରେ ପ୍ରକାଶ କରି ଦେଇଛନ୍ତି। ସେମାନଙ୍କ କାର୍ଯ୍ୟାଳୟରେ କାମ କରିବାର ବିବରଣୀ ସେମାନଙ୍କ ନାମ ପଦବୀ ଟେଲିଫୋନ ନମ୍ବର ସହ ଆଧାର କାର୍ଡ଼ ନମ୍ବରକୁ ପ୍ରକାଶ କରିଦେଇଛି ସରକାରୀ ପୋର୍ଟାଲ। ମୋଟ୍‍ ୧ଲକ୍ଷ ୬୬ହଜାର କର୍ମଚାରୀଙ୍କ ସମ୍ପର୍କିତ ତଥ୍ୟ ଏହି ପୋର୍ଟାଲରେ ପ୍ରକାଶ କରାଯାଇ ଥିବାବେଳେ ତାହା ପାସୱାର୍ଡ଼ ସୁରକ୍ଷା କବଚ ମଧ୍ୟରେ ନରଖି ସର୍ବସାଧାରଣରେ ପ୍ରକାଶ କରି ଦିଆଯାଇଛି।କର୍ମଚାରୀଙ୍କ ୧୨ଟିକିଆ ଆଧାର କାର୍ଡ଼ ନମ୍ବରକୁ ତାଙ୍କ ଫଟୋର ନାମକରଣ ଭାବେ ବ୍ୟବହାର କରାଯାଇଛି। ଝାଡ଼ଖଣ୍ଡ ସରକାରଙ୍କ ଏଭଳି ପଦକ୍ଷେପ ଆଗାମୀ ଦିନରେ ଉକ୍ତ ଆଧାର ନମ୍ବର ଅପବ୍ୟବହାର ସମ୍ଭାବନାକୁ ଏଡ଼ାଇ ଦିଆଯାଇ ନପାରେ।

Leave A Reply