ପେଚା ଗୋଟାକୁ ୩ କୋଟି ଟଙ୍କା, ସାପର ମୂଲ୍ୟ ୨ କୋଟି

ଚୋରା କାରବାର ଅଭିଯୋଗରେ ୪ ମହିଳାଙ୍କ ସମେତ ୧୦ ଗିରଫ, ୨ ଗାଡ଼ି ଜବତ

ଉଜ୍ଜୟିନୀ: ବିଶ୍ବାସ କରି ନ ହେଉଥିଲେ ମଧ୍ୟ କଥାଟି ସତ । ସାପ ଗୋଟାକୁ ୨ କୋଟି ଟଙ୍କା, ଆଉ ପେଚା ଗୋଟିକୁ ୩ କୋଟି ଟଙ୍କା । ଏହି ଦୁର୍ଲଭ ସାପ ଓ ପେଚା କାରବାର କରୁଥିବା ଏକ ଦଳକୁ ଠାବ କରିଛି ଉତ୍ତରପ୍ରଦେଶ ପୁଲିସ । ସେମାନଙ୍କୁ ଅଦାଲତରେ ହାଜର କରାଯିବା ପରେ ଜେଲ ପଠାଇ ଦିଆଯାଇଛି ।

ଉତ୍ତରପ୍ରଦେଶ ପୁଲିସର ସ୍ବତନ୍ତ୍ର ଟାସ୍କ ଫୋର୍ସ ଅଧୀକ୍ଷକ ଗୀତେଶ କୁମାର ଗର୍ଗଙ୍କ ସୂଚନା ଅନୁସାରେ ଏହି ଦୁର୍ଲଭ ସାପ ଓ ପେଚା ଚୋରା କାରବାର ହେଉଥିବା ସୂଚନା ମିଳିବା ପରେ ଉପ ରେଞ୍ଜର ଉଦୟ ରାଜ ପାୱାର ଓ ଅନ୍ୟ କିଛି କର୍ମଚାରୀଙ୍କୁ ନେଇ ଏକ ଟିମ୍ ଗଠନ କରାଯାଇଥିଲା । ମଧ୍ୟପ୍ରଦେଶ ଓ ଉତ୍ତରପ୍ରଦେଶ ନମ୍ବର ଥିବା ଦୁଇ ଗାଡ଼ି ଯାଞ୍ଚ ବେଳେ ଏହି ସାପ ଓ ପେଚାକୁ ଉଦ୍ଧାର କରାଯାଇଥିଲା । ଏହା ସହ ଦୁଇ ଗାଡ଼ିରୁ ୪ ମହିଳା ଓ ୬ ପୁରୁଷଙ୍କୁ ଗିରଫ କରାଯାଇଥିଲା ।

ଏସଟିଏଫ୍ ଅଧୀକ୍ଷକ ଶ୍ରୀ ଗର୍ଗଙ୍କ ସୂଚନା ଅନୁସାରେ ସାପଟିର ଓଜନ ୬.୫ କିଲୋଗ୍ରାମ ଓ ଏହାର ମୂଲ୍ୟ ପ୍ରାୟ ୨ କୋଟି ଟଙ୍କା ପାଖାପାଖି । ଏହି ସାପକୁ ଶକ୍ତି ବର୍ଦ୍ଧକ ଔଷଧ ଓ ଅନ୍ୟ ରୋଗର ଚିକିତ୍ସା ପାଇଁ ବ୍ୟବହାର କରାଯାଇଥାଏ । ସେହିପରି ସୁନେଲି ରଙ୍ଗର ପେଚାକୁ ତନ୍ତ୍ର ସାଧନ ଓ ମାଟିତଳେ ଗୁପ୍ତଧନ ସନ୍ଧାନ କାର୍ଯ୍ୟରେ ବ୍ୟବହାର କରାଯାଏ ବୋଲି କୁହାଯାଉଛି ।

Comments
Loading...