ସାବଧାନ! ଧୂମପାନ କରିପାରେ କରୋନାକୁ ନିମନ୍ତ୍ରଣ

ନୂଆଦିଲ୍ଲୀ: ଧୂମପାନ କରୁଛନ୍ତି କି ? ତେବେ ହୋଇ ଯାଆନ୍ତୁ ସାବଧାନ । କରୋନା ସମୟରେ ଧୂମପାନ ଆପଣଙ୍କ ପାଇଁ ବିପଦ ଡ଼ାକି ଆଣିପାରେ । ଧୂମପାନ କରୁଥିବା ବ୍ୟକ୍ତିଙ୍କ ନିମନ୍ତେ କରୋନା ସଂକ୍ରମଣ ଆଶଙ୍କା ବେଶୀ ବୋଲି ଚେତାଇ ଦେଇଛି ବିଶ୍ବ ସ୍ବାସ୍ଥ୍ୟ ସଙ୍ଗଠନ । ଆସନ୍ତା ୩୧ ତାରିଖରେ ‘ନୋ ଟବାକୋ ଡ଼େ’ ଅବସରରେ ସଙ୍ଗଠନ ପକ୍ଷରୁ ଲୋକମାନଙ୍କୁ ସଚେତନ କରିବା ନିମନ୍ତେ ଏକ ଭିଡ଼ିଓ ମଧ୍ୟ ସେୟାର କରିଛି ।

Smoking can increase your chance of severe #COVID19. #SpeakOut & join #TobaccoExposed dance with Quang Đăng and Minh Quân ahead of World #NoTobacco Day, 31 May!https://t.co/GIa6BpkuJL pic.twitter.com/LxixkMTVEj

— World Health Organization (WHO) (@WHO) May 26, 2020

ଧୂମପାନ କରୁଥିବା ବ୍ୟକ୍ତିଙ୍କର ଫୁସଫୁସ କ୍ୟାନ୍ସର, ଲଙ୍ଗସ କ୍ୟାନସର ଓ ହୃଦ୍ ରୋଗ ପରି ବେମାରୀ ହେବା ନେଇ ପୂର୍ବରୁ ଡ଼ାକ୍ତରମାନେ କହି ଆସିଛନ୍ତି । ଗୋଟିଏ ସିଗାରେଟ ଟାଣିଲେ ଜଣେ ବ୍ୟକ୍ତିର ଆୟୂଷ ୫ ମିନିଟ୍ କମିଯାଏ ବୋଲି ମଧ୍ୟ ସତର୍କ କରାଇଛନ୍ତି । ଏପରି ସ୍ଥିତିରେ ସିଗାରେଟ୍, ବିଡ଼ି ବ୍ୟବହାର କମିନାହିଁ । କିନ୍ତୁ କରୋନା ସଂକ୍ରମଣ ସମୟରେ ସିଗାରେଟ ଓ ବିଡ଼ି ଟାଣିବା ରୋଗକୁ ନିମନ୍ତ୍ରଣ କରିବା ସହ ସମାନ । ବିଶ୍ବ ସ୍ବାସ୍ଥ୍ୟ ସଙ୍ଗଠନ ଏଥିପାଇଁ ଏକ ସଚେତନତା ଭିଡ଼ିସ ନିଜ ଟ୍ବିଟର ଆକାଉଣ୍ଟରେ ସ୍ଥାନ ଦେଇଛି ।