ମୁରିବାହାଲ ବ୍ଲକର ୨ ପଞ୍ଚାୟତରେ ନିଧି ପକ୍ଷରୁ ୪୦ ଗୋଟି ସ୍ମାର୍ଟଫୋନ ବଣ୍ଟନ

ମୁରିବାହାଲ : ମୁରିବାହାଲ ବ୍ଲକ ୨ ଗୋଟି ଗ୍ରାମପଞ୍ଚାୟତ ଲେବେଡା ଓ ଟୁପାଉଡାରରେ ମଙ୍ଗଳବାର ନିଧି ପକ୍ଷରୁ ଗରିବ ମହିଳାମାନଙ୍କୁ ସ୍ମାର୍ଟଫୋନ ବଣ୍ଟନ କରାଯାଇଛି। ଏହି କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବରେ ଗୋଷ୍ଠୀ ଉନ୍ନୟନ ଅଧିକାରୀ ପ୍ରିଅରଞ୍ଜନ କୁମାର ଥିବାବେଳେ ସମ୍ମାନିତ ଅତିଥି ଭାବରେ ବିପିଏମ ଜୀବିକା ମିଶନ ଗୋପାଲ ଦୀପ, ପ୍ରାଣିଧନ ନିରୀକ୍ଷକ ବୀରେନ୍ଦ୍ର କୁମାର ଷଢଙ୍ଗୀ, ଲେବେଡା ସରପଞ୍ଚ ହେମସାଗର ସାହୁ, ପିଇଓ ସୀତାକାନ୍ତ ବେହେରା, ନିଧି ଡା଼ଇରେକ୍ଟର ପ୍ରଶାନ୍ତ ମୁଦୁଲି, ଏମପାୱାର୍ଡ଼ ମେନେଜର ଶାଶ୍ଵତୀ ପଟ୍ଟନାୟକ ମଞ୍ଚାସିନ ହୋଇଥିଲେ। ଯୋଜନାର ମୁଖ୍ୟ ଉଦ୍ଦେଶ୍ୟ ଡିଜିଟାଲ ଟେକ୍ନୋଲୋଜି ସ୍ମାର୍ଟଫୋନ ଦ୍ୱାରା ସମାଜର ଲାଭ ହେବ ବୋଲି ଅତିଥିମାନେ ବକ୍ତବ୍ୟ କରିଥିଲେ। ୪୦ ଜଣ ଗରିବ ପରିବାରକୁ ସ୍ମାର୍ଟଫୋନ ବଣ୍ଟନ କରାଯାଇଛି। ଅତି ଗରିବ ପରିବାର ମାନଙ୍କର ସର୍ବାଙ୍ଗୀନ ଉନ୍ନତି ବିକାଶ ନିମନ୍ତେ ଆର୍ଥିକ ସାମାଜିକ ଅବସ୍ଥାକୁ ସୁଦୃଢ କରିବା ଏହାର ମୁଖ୍ୟ ଲକ୍ଷ୍ୟ। ଏହି ପ୍ରକଳ୍ପକୁ ଟାଟା କମ୍ୟୁନିକେସ ଏବଂ ଟ୍ରିକଲ ଅଫ ସହାୟତା କରିଛି। ବ୍ଲକ ସ୍ତରରେ ନିଧି ଅନୁଷ୍ଠାନ ଦ୍ୱାରା କାର୍ୟ୍ୟକ୍ରମ କରାଯାଇଛି।

Comments are closed.