ପୋଷାକ ମାଧ୍ୟମରେ କରୋନା ଭୂତାଣୁ ମଧ୍ୟ ବିସ୍ତାର ହୋଇପାରେ ବୋଲି ବିଶ୍ୱାସ କରାଯାଏ। ଏଭଳି ପରିସ୍ଥିତିରେ ଲୋକମାନେ ସମସ୍ତ ପ୍ରକାର ସତର୍କତା ଅବଲମ୍ବନ କରୁଛନ୍ତି। କିନ୍ତୁ ଯେଉଁମାନେ ଦୋକାନ ସଉଦା କରିବାକୁ ବାହାରକୁ ଯାଉଛନ୍ତି, ସେମାନେ ଫେରିବା ମାତ୍ରେ ନିଜ ପୋଷାକ ବଦଳାଇବା କିମ୍ବା ଧୋଇବା ଉଚିତ୍ କି?
କରୋନା ଭୂତାଣୁ ମହାମାରୀ ହେତୁ ସାରା ଦେଶରେ ଏବେ ତାଲା ପଡିଛି ଏବଂ ଆମେ ସମସ୍ତେ ନିଜ ଘରେ ବନ୍ଦ ହୋଇ ରହିଛେ। କିନ୍ତୁ ଖାଦ୍ୟ ସାମଗ୍ରୀ, ଔଷଧ ଏବଂ ଅନ୍ୟାନ୍ୟ ଆବଶ୍ୟକତା ପାଇବା ପାଇଁ ଆମକୁ କିଛି ସମୟ ପାଇଁ ଘରୁ ବାହାରକୁ ଯିବାକୁ ପଡିବ |
ଏଭଳି ପରିସ୍ଥିତିରେ ପ୍ରଶ୍ନ ହେଉଛି, ବାହାରୁ ଆସିବା ପରେ ଆପଣ ନିଜ ପୋଷାକ ବଦଳାଇବା ଉଚିତ କି? ଯେହେତୁ କରୋନା ଭୂତାଣୁ ଜଣେ ବ୍ୟକ୍ତିଙ୍କଠାରୁ ଅନ୍ୟକୁ ବ୍ୟାପିଥାଏ, ଏହା ଜାଣିବା ଅତ୍ୟନ୍ତ ଜରୁରୀ ଯେ, ପୋଷାକ ଦ୍ୱାରା କରୋନା ଭୂତାଣୁ ସଂକ୍ରମିତ ହୋଇପାରେ କି? ଆସନ୍ତୁ ଜାଣିବା …
ପୋଷାକ କୋରାନା ସଂକ୍ରମିତ ହୁଏ କି?
କୋଭିଡ-୧୯ ଭୂତାଣୁ ପୋଷାକ ଦ୍ବାରା ସଂକ୍ରମତି ହୁଏ କି ନାହିଁ, ଏପର୍ଯ୍ୟନ୍ତ ଏହାର ପ୍ରମାଣ ନାହିଁ। କିନ୍ତୁ ଏହି ଭୂତାଣୁ ଭିନ୍ନ ଭିନ୍ନ ବସ୍ତୁରେ ଜୀବିତ ରହିପାରିବ। ଯେପରି ପ୍ଲାଷ୍ଟିକ ଓ ଷ୍ଟିଲରେ ୩ଦିନ ଯାଏଁ, ଏବଂ କାର୍ଡବୋର୍ଡରେ ୨୪ ଘଣ୍ଟା ଯାଏଁ ଏହି ଭୂତାଣୁ ବଞ୍ଚି ରହିପାରେ। ଯେହେତୁ ପୋଷାକ ପୋରସ୍ ପଦାର୍ଥ ଅନ୍ତର୍ଗତ, ତେଣୁ ସେଥିରେ କରୋନା ସଂକ୍ରମଣ ସମ୍ଭାବନା କମ୍।
କିନ୍ତୁ, ଯଦି ତୁମର ପୋଷାକରେ କ୍ଷୁଦ୍ର ବିନ୍ଦୁ ବା କଣିକା(droplet) ରହିଛି, କିମ୍ବା ସଂକ୍ରମିତ ସ୍ଥାନକୁ ସଫା କରିବା ପରେ ସେହି ହାତରେ ପୋଷାକ, ନାକ କିମ୍ବା ପାଟି ସ୍ପର୍ଶ କରୋନା ଜୀବାଣୁ ସଂକ୍ରମିତ ହେବାର ସମ୍ଭାବନା ରହିଛି। ତେଣୁ ବାହାରୁ ଆସିବା ପରେ ପୋଷାକ ବଦଳାଇବା ଉଚିତ୍।
ବାହାରୁ ଆସିବା ପରେ ଏହି ସତର୍କତା ଅବଲମ୍ବନ କରନ୍ତୁ:
ଜନଗହଳି ପୂର୍ଣ୍ଣ ସ୍ଥାନରୁ ଘରକୁ ଫେରିବା ପରେ ନିଜର ପୋଷାକ ବଦଳାଇବା ଉଚିତ୍।
ଯଦି ଆପଣ ଏକ ସ୍ତମ୍ଭ, କାନ୍ଥ କିମ୍ବା ଯେକୌଣସି ସ୍ଥାନକୁ ସ୍ପର୍ଶ କରିଛନ୍ତି ଯାହାକୁ ଅନେକ ଲୋକ ସ୍ପର୍ଶ କରଥିବେ, ତେବେ ଆପଣ ହାତ ଧୋଇବା ସହିତ ପୋଷାକ ମଧ୍ୟ ପରିବର୍ତ୍ତନ କରିବା ଉଚିତ୍।
ଯଦି କେହି ଆପଣଙ୍କ ଚାରିପାଖରେ କାଶ କିମ୍ବା ଛିଙ୍କନ୍ତି, ତେବେ ଆପଣ ଆପଣଙ୍କର ପୋଷାକ ବଦଳାଇବା ଉଚିତ୍।
ପୋଷାକ ବଦଳାଇବା ପୂର୍ବରୁ ଏବଂ ପୋଷାକ ବଦଳାଇବା ପରେ ତୁମ ହାତକୁ ଭଲ ଭାବରେ ସଫା କରିବା ଉଚିତ୍।
ଯଦି ତୁମେ ସଂକ୍ରମଣକୁ ନେଇ ସନ୍ଦେହ କରୁଛ, ତେବେ ଉଷୁମ ପାଣିରେ ସାଧାରଣ କିଟାଣୁନାଶକ (Normal disinfectant) ମିଶାଇ ପୋଷାକକୁ ସଫା କରନ୍ତୁ।
ସନ୍ଦେହ ଉପୁଜିଲେ ଏହି ସତର୍କତା ଅବଲମ୍ବନ କରିବା ଉଚିତ୍। ପୋଷାକରେ କରୋନା ଜୀବାଣୁ ବଞ୍ଚିଥିବାର ଏପର୍ଯ୍ୟନ୍ତ କୌଣସି ପ୍ରମାଣ ନାହିଁ।
Comments are closed.