ସର୍ଟସର୍କିଟରୁ ଅଗ୍ନିକାଣ୍ଡ, ୨ ଦୋକାନ ଭସ୍ମିଭୁତ ଆମ ଓଡ଼ିଶାନିଉଜ ଆଲର୍ଟ By Samajalive Desk Last updated Apr 1, 2021 Share କଂଟାବାଂଜି: ବୁଧବାର ବିଳମ୍ବିତ ରାତିରେ ମେନ ରୋଡରେ ଥିବା ଡେ- ଲାଇଟ ଟେଲର ଦୋକାନରେ ଅଗ୍ନିକାଣ୍ଡ ଘଟି ଦୁଇଟି ଦୋକାନ ଭସ୍ମିଭୁତ ହୋଇଯାଇଛି। ପ୍ରାପ୍ତ ସୂଚନାରୁ ପ୍ରକାଶ ଯେ ଗତକାଲି ବିଳମ୍ବିତ ରାତି ପ୍ରାୟ ୨ଟା ସମୟରେ ଡେଲାଇଟ ଟେଲର ଦୋକାନି ସରୋଜ ମେହେର ଦୋକାନ ବନ୍ଦ କରି ଆସିବା ପରେ ଦୋକାନରେ ନିଆଁ ଲାଗିଯାଇ ଥିଲା। ପଡୋଶୀ ଗିରିଶ ବେହେରାର ରୟାଲ ଫେସନ କପଡା ଦୋକାନକୁ ମଧ୍ୟ ନିଆଁ ବ୍ୟାପି ଯାଇ ଦୁଇ ଦୋକାନ ସଂପୂର୍ଣ୍ଣ ପୋଡି ଭସ୍ମିଭୁତ ହୋଇଯାଇଛି। ରାତିରେ ନିକଟସ୍ଥ ଲୋକେ ନିଆଁ ଲାଗିବାର ଜାଣିବା ପରେ ଲିଭାଇବା ପାଇଁ ଲୋକେ ଦୁଇ ଘଂଟା ଯାଏ ଚେଷ୍ଟା କରିଥିଲେ କିନ୍ତୁ ନିଆଁ ଆୟତ୍ତ ନ ହେବାରୁ ଦୋକାନ ଦୁଇଟି ପୋଡି ଛାରଖାର ହୋଇଯାଇଥିଲା। Related Posts କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ… Apr 23, 2024 ସଲମାନ ଖାନଙ୍କ ଘର ଉପରେ ଫାୟାରିଂ ମାମଲା, ୨୮୦… Apr 23, 2024 ତେବେ ଅଗ୍ନିଶମ ବିଭାଗକୁ ବାରମ୍ବାର ଫୋନ ମାଧ୍ୟମରେ ଯୋଗାଯୋଗ କରିଥିଲେ କିନ୍ତୁ ସେମାନେ ଫୋନ ଉଠାଇ ନ ଥିଲେ। ପରେ ସ୍ଥାନୀୟ କିଛି ବ୍ୟକ୍ତି ଅଗ୍ନିଶମ ବିଭାଗ ଅଫିସକୁ ଯାଇ ରାତିରେ ଉଠାଇଥିଲେ। ଏହା ପରେ ଅଗ୍ନିଶମ କର୍ମଚାରୀ ଆସିବା ମଧ୍ୟରେ ଦୋକାନ ଦୁଇଟି ଧୁଲିସାତ୍ ହୋଇସାରିଥିଲା। ନିଆଁରେ ପୋଡି ଯାଇଥିବା ଗିରିଶ ବେହେରାଙ୍କ ରୟାଲ ଫେସନ କପଡା ଦୋକାନର ପ୍ରାୟ ୫ ଲକ୍ଷ ଟଙ୍କାର କପଡା ପୋଡି ଯାଇଥିବା ବେଳେ ଡେଲାଇଟ ଟେଲରର ୩ଟି ମେସିନ ସହ ଶତାଧିକ ଲୋକଙ୍କ ନୂତନ ସିଲାଇ ଥିବା ପ୍ୟାଣ୍ଟ ସାର୍ଟ ପୋଡି ନଷ୍ଟ ହୋଇଯାଇଛି। ଅଗ୍ନିଶମ ବିଭାଗ କଂଟାବାଂଜି କାର୍ଯ୍ୟାଳୟର କୌଣସି ସ୍ଥାୟୀ ଫୋନ ନଂବର ନ ଥିବାରୁ ଅଂଚଳର ଜନସାଧାରଣ କୌଣସି ଅଘଟଣ ଖବର ଯଥା ଶିଘ୍ର ଦେଇ ପାରୁ ନ ଥିବାରୁ ସ୍ଥାୟୀ ଫୋନ ନଂବର ପାଇଁ ଦାବୀ କରୁଛନ୍ତି। ଏହି ଘଟଣାର ଅନୁସଂଧାନ ପାଇଁ ଗୁରୁବାର ସକାଳୁ ସ୍ଥାନୀୟ ଥାନା ଆଇ.ଆଇ.ସି. ସତ୍ୟଜିତ କନ୍ଦନକେଲ ଓ ଅନ୍ୟ ପୋଲିସ କର୍ମଚାରୀ ଘଟଣାସ୍ଥଳକୁ ଆସି ଅଧିକ ତଦନ୍ତ କରୁଥିବା ଜଣାପଡିଛି। ନିଆଁରେ ପୋଡିଥିବା ଦୁଇ ଦୋକାନିଙ୍କୁ ସରକାରୀ ସାହାଯ୍ୟ ପାଇଁ ବୁଦ୍ଧିଜୀବି ମହଲରୁ ଦାବୀ କରାଯାଇଛି। Share FacebookTwitterWhatsApp
Comments are closed.