୩୧ ସ୍ୱୟଂ ସହାୟକ ଦଳମାନଙ୍କୁ ଦକ୍ଷତା ବୃଦ୍ଧି ତାଲିମ୍‍ ଶିବିର

ଫୁଲବାଣୀ: କନ୍ଧମାଳ ଜିଲ୍ଲା କ.ନୂଆଗାଁ ବ୍ଳକ ଅନ୍ତର୍ଗତ ବଣ୍ଡଗୁଡା ଗ୍ରାମ ପଂଚାୟତର ରାଜୀବ ଗାନ୍ଧୀ ସେବା କେନ୍ଦ୍ରଠାରେ ନାବାର୍ଡ ଓ ସ୍ୱେଚ୍ଛାସେବୀ ଅନୁଷ୍ଠାନ ସ୍ୱାତୀ ପକ୍ଷରୁ ସ୍ୱୟଂ ସହାୟକ ଦଳମାନଙ୍କର ଦକ୍ଷତା ବୃଦ୍ଧି, ନଥିପତ୍ର ସଠିକ୍‍ ଭାବରେ ଲେଖିବା ଓ ଦଳକୁ ଦୃଢ କରିବା ନିମନ୍ତେ ଦୁଇ ଦିନିଆ ତାଲିମ୍‍ ଶିବିର ଆୟୋଜିତ ହୋଇଯାଇଛି। ଆୟୋଜିତ ତାଲିମ୍‍ ଶିବିରରେ ଓଡ଼ିଶା ଜୀବିକା ମିଶନ୍‍ର ଟିକାବାଲି ବ୍ଲକ୍‍ ଜୀବନ ଜୀବିକା ସଂଯୋଜକ ସନାତନ ମଲ୍ଲିକ ଓ ଓଡ଼ିଶା ବନାନି ଉନ୍ନୟନ ପ୍ରକଳ୍ପର ଡେଭଲପମେଣ୍ଟ ଅଫିସର ପଙ୍କଜିନୀ ଭଦ୍ର ଓ ପ୍ରିୟଦର୍ଶନୀ ପ୍ରଧାନ ପ୍ରମୁଖ ଯୋଗଦେଇ ଦକ୍ଷତା ବୃଦ୍ଧି ଓ ନଥିପତ୍ର ପରିଚାଳନା ବିଷୟରେ ତାଲିମ୍‍ ପ୍ରଦାନ କରିଥିଲେ। ବର୍ତମାନ ପରିସ୍ଥିତିରେ ସ୍ୱୟଂ ସହାୟକ ଦଳ ଗୁଡିକୁ ପୂର୍ବାବସ୍ଥାକୁ ଫେରିବା ସହିତ ସମାଜରେ କୋଭିଡ୍‍ ବିରୁଦ୍ଧରେ ଳଢେଇ ନିମନ୍ତେ ସ୍ୱୟଂ ସହାୟକ ଦଳମାନଙ୍କର ଭୂମିକା ଗୁରୁତ୍ୱପୂର୍ଣ ବୋଲି ସ୍ୱାତୀ ର ସମ୍ପାଦକ ଇଂ ହରିଶଙ୍କର ରାଉତ କହିଥିଲେ। ସ୍ୱାତୀର ପ୍ରକଳ୍ପ ସଂଯୋଜକ ପ୍ରଦୀପ କୁମାର ସ୍ୱାଇଁ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ସର୍ବେଶ୍ୱର ସାହୁ, ସସ୍ମିତା ବେହେରା ସହଯୋଗ କରିଥିଲେ। ଆୟୋଜିତ ତାଲିମ୍‍ ଶିବିରରେ ବଣ୍ଡଗୁଡା ଓ ଜିରିଡିକିଆ ପଂଚାୟତରୁ ୩୧ ଗୋଟି ସ୍ୱୟଂ ସହାୟକ ଦଳର ପ୍ରତିନିଧିମାନେ ଯୋଗଦେଇଥିଲେ।

Comments
Loading...