ଚୀନର ୭ ଏୟାର ବେସରେ ବଢ଼ୁଛି ଗତିବିଧି, ଭାରତୀୟ ସେନା ସଜାଗ

ନୂଆଦିଲ୍ଲୀ: ଲାଦାଖରେ ସୃଷ୍ଟ ସୀମା ବିବାଦ ୩ ମାସ ପୂରିଲାଣି । ଦୁଇ ଦେଶର ସେନାସ୍ତରରେ ଅନେକ ପର୍ଯ୍ୟାୟ ଆଲୋଚନା ଶେଷ ହୋଇଛି । ତଥାପି ସୀମାରେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି । ଭାରତର ଯାବତୀୟ ଚେତାବନୀ ପରେ ଚୀନ ସୁଧୁରିବାର ନାଁ ନେଉନାହିଁ । ଏବେ ସୂଚନା ମିଳିଛି ଯେ ଚୀନ ଅଞ୍ଚଳର ବିଭିନ୍ନ ବାୟୁ ସେନା ଘାଟିରେ ଗତିବିଧି ବଢ଼ିବାରେ ଲାଗିଛି । ଉପଗ୍ରହରୁ ଏହିସୂଚନା ମିଳିବା ପରେ ଭାରତୀୟ ସୁରକ୍ଷା ବାହିନୀ ଏହାଉପରେ ନଜର ରଖିଛନ୍ତି । ଚୀନ ପକ୍ଷରୁ କୌଣସି ପରିସ୍ଥିତି ସୃଷ୍ଟି ହେଲେ ଏଥିନେଇ ତୁରନ୍ତ ପଦକ୍ଷେପ ନିଆଯାଇ ପାରିବ ।

ଏଏନ୍ଆଇ ସୂତ୍ରରୁ ମିଳିଥିବା ସୂଚନା ଅନୁସାରେ ଭାରତୀୟ ସୁରକ୍ଷା ଏଜେନ୍ସି ଚୀନର ନିୟନ୍ତ୍ରଣ ରେଖା ଆରପଟେ ଥିବା ୭ଟି ବାୟୁସେନା ଘାଟି ଉପରେ ନଜର ରଖିଛି । ଏହା ମଧ୍ୟରେ ହୋଟନ, ଗର ଗୁନସା, କାଶଘର, ହୋପିଂ, ଡ଼ୋଙ୍କା ଡ଼େଗେଁଭ୍ଗ, ଲିନ୍ଝି ଓ ପଙ୍ଗଟ ବିମାନଘାଟି ସାମିଲ । ଏହା ମଧ୍ୟରୁ କିଛି ଅଞ୍ଚଳକୁ ଚୀନ ଏବେ ବିକଶିତ କରିଛି । ପୂର୍ବାଞ୍ଚଳ ରାଜ୍ୟର ବିପରୀତ ସ୍ଥାନରେ ଚୀନ ଅଞ୍ଚଳରେ ଥିବା ହେଲିକପଟର ଘାଟି ଲିନଝିକୁ ଉନ୍ନତିକରଣ କରିଛି । ଏପରିକି ଏଠାରେ ଚୀନା ଏୟାରଫୋର୍ସ (ପିଏଲଏଏଫଏଫ୍) ଏହି ବିମାନଘାଟିରେ ଜେ ସିରିଜ ଲଢ଼ୁଆ ବିମାନ ଓ ରୁଷରୁ ଆମଦାନୀ ସୁଖୋଇ ୩୦ ବିମାନର ଚୀନା ସଂସ୍କରଣକୁ ମୁତୟନ କରାଯାଇଥିବା ଉପଗ୍ରହରୁ ସୂଚନା ମିଳିଛି ।

ଅନ୍ୟପକ୍ଷରେ ଚୀନର ମୁକାବିଲା ନିମନ୍ତେ ଭାର ପକ୍ଷରୁ ସୁଖୋି-୩୦, ମିଗ୍ ୨୯, ମିରାଜ-୨୦୦୦ ମୁତୟନ କରିଛି । ଏହି ବିମାନଗୁଡ଼ିକ ଚୀନର କୌଣସି ଅତିକ୍ରମଣକୁ ଜବାବ ଦେବାକୁ ପ୍ରସ୍ତୁତ । ତେବେ ଏହି କ୍ଷେତ୍ରରେ ଚୀନଠାରୁ ଭାରତ ଅଧିକ ଶକ୍ତିଶାଳୀ ହୋଇ ପାରିବ ବୋଲି ଅନେକ ଆକଳନ କରିଛନ୍ତି ।

Comments
Loading...