ସିକୋରେ ବାଦପାଲା

ସିକୋ : ବେଗୁନିଆ ବ୍ଲକ ଅଧିନସ୍ଥ ସିକୋ ମିଲ ଛକ ଠାରେ ପୂର୍ବତନ ପ୍ରଧାନଶିକ୍ଷକ ଗୋବିନ୍ଦଚନ୍ଦ୍ର ମଙ୍ଗରାଜଙ୍କ ନେତୃତ୍ୱରେ ଦଶହରା ଉପଲକ୍ଷେ ପ୍ରତିବର୍ଷ ଭଳି ଚଳିତବର୍ଷ ଗତକାଲିଠାରୁ ବାଦପାଲା ଆରମ୍ଭ ହୋଇଛି । ଏହି କାର୍ୟ୍ୟକ୍ରମ ୪ ଦିନ ଧରି ଚାଲିବାକୁ ଥିବାବେଳେ ମୁଖ୍ୟଅତିଥି ଭାବେ ସମାଜସେବୀ ଅରବିନ୍ଦ ରାୟ ଯୋଗଦେଇ ଉଦଘାଟନ କରି ଉଭୟ ଦଳର ଗାୟକଙ୍କୁ ସମ୍ବର୍ଦ୍ଧିତ କରିଥିଲେ । ତାଙ୍କ ସହିତ କାର୍ୟ୍ୟକ୍ରମରେ ସନ୍ତୋଶି ରାୟ ଉପସ୍ଥିତ ଥିଲେ । ଗଣେଶ ବଜାର ଅନୁଷ୍ଠାନ ଦ୍ୱାରା ଏହି କାର୍ୟ୍ୟକ୍ରମ ଦୀର୍ଘ ୪୨ ବର୍ଷ ଧରି ଚାଲି ଆସୁଅଛି ।ଅନୁଷ୍ଠାନର ସଭାପତି ମନ୍ମଥ ଚମ୍ପତ୍ତି, ସମ୍ପାଦକ ଦାମୋଦର ମହାପାତ୍ର,କୋସାଧ୍ୟକ୍ଷ ବିନୋଦଚନ୍ଦ୍ର ସ୍ୱାଇଁ ଏହି କାର୍ୟ୍ୟକ୍ରମକୁ ପରିଚାଳନା କରିଥିବାବେଳେ ଗାୟକ ବାଣୀ ବିନୋଦ ପ୍ରସନ୍ନ କୁମାର ପଟ୍ଟନାୟକ ,ଜଗତସିଂହପୁର ଏବଂ ଜ୍ଞାନବାରିଧି ଭାସ୍କରଚନ୍ଦ୍ର ସାହୁ ଆଠଗଡ଼ ମଧ୍ୟରେ ବାଦପାଲା ପରିବେଷଣ ହେଉଛି ।

Comments are closed.