ସେବି ଅଧ୍ୟକ୍ଷ ଅଜୟ ତ୍ୟାଗୀଙ୍କ କାର୍ଯ୍ୟକାଳ ୨୦୨୨ ଯାଏ ବୃଦ୍ଧି

ନୂଆଦିଲ୍ଲୀ: ଭାରତୀୟ ପ୍ରତିଭୂତ୍ତି ବିନିମୟ ବୋର୍ଡ (ସେବି) ଅଧକ୍ଷ ଅଜୟ ତ୍ୟାଗୀଙ୍କ କାର୍ଯ୍ୟକାଳ ବଢିଛି। ତାଙ୍କର କାର୍ଯ୍ୟକାଳକୁ ସରକାର ଆଉ ୧୮ ମାସ ବୃଦ୍ଧି କରିଛନ୍ତି। ଶ୍ରୀ ତ୍ୟାଗୀ ଏହି ପଦରେ ୨୦୨୨ ଯାଏ ରହିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଗଠିତ ନିଯୁକ୍ତି ପ୍ରଦାନକାରୀ କମିଟି ସେବି ଅଧକ୍ଷଙ୍କ କାର୍ଯ୍ୟକାଳ ବୃଦ୍ଧି ପ୍ରସ୍ତାବକୁ ମଞ୍ଜୁରି ଦେଇଛନ୍ତି। ଏହା ଚଳିତବର୍ଷ ସେପ୍ଟେମ୍ବରଠାରୁ କାର୍ଯ୍ୟକାରୀ ହେବ।

୧୮୮୪ ବ୍ୟାଚର ହିମାଚଳ ପ୍ରଦେଶ କ୍ୟାଡରର ଏହି ଭାରତୀୟ ପ୍ରଶାସନିକ ସେବା ଅଧିକାରୀ ତ୍ୟାଗୀଙ୍କୁ ପ୍ରତିଭୂତ୍ତି ବିନିମୟ ବୋର୍ଡର ଶୀର୍ଷ ପଦରେ ୨୦୧୭ ମାର୍ଚ୍ଚରେ ଅଭିଷିକ୍ତ କରାଯାଇଥିଲା। ସେତେବେଳେ ତ୍ୟାଗୀଙ୍କୁ ଏହି ପଦରେ ୩ ବର୍ଷ ପାଇଁ ନିଯୁକ୍ତି ଦିଆଯାଇଥିଲା। ସୂଚନାଯୋଗ୍ୟ, ଚଳିତବର୍ଷ ମାର୍ଚ୍ଚରେ ମଧ୍ୟ ସରକାର ତ୍ୟାଗୀଙ୍କ କାର୍ଯ୍ୟକାଳକୁ ୬ମାସ ବୃଦ୍ଧି କରିଥିଲେ।

Comments
Loading...