ବସ୍‌କୁ ଉପରକୁ ଉଠିବାବେଳେ ଖସି ପଡ଼ି ଯୁବକଙ୍କ ମୃତ୍ୟୁ

ସୋରଡ଼ା : ଗଞ୍ଜାମ ଜିଲ୍ଲା ସୋରଡ଼ା ସହର ବସଷ୍ଟାଣ୍ଡ ଠାରେ ବସକୁ ଚଡ଼ିବା ବେଳେ ଘଟିଛି ଅଘଟଣ। ଏକ ଘରୋଇ ବସ ଉପରକୁ ଉଠିବାବେଳେ ଭାରସାମ୍ୟ ହରାଇ ତଳେ ପଡ଼ି ଯିବାରୁ ତାଙ୍କୁ ବସ୍‌ର ପଛ ଚକାରେ ପିଟି ହୋଇଯାଇଥିଲେ। ଫଳରେ ସେ ଗୁରୁତର ଆହତ ହୋଇଥିଲେ। ସଂକଟାପନ୍ନ ଅବସ୍ଥାରେ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଥିଲା, ସେଠାରେ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି।

ମିଳିଥିବା ସୂଚନା ଅନୁଯାୟୀ ସୋରନା ସହରର ଜନ ଗହଳିପୂର୍ଣ୍ଣ ଅଞ୍ଚଳ ଗଣିଛକ ଠାରେ ଏକ ଘରୋଇ ବସ ଉପରକୁ ଜଣେ ଯୁବକ ଉଠିବାକୁ ଉଦ୍ୟମ କରୁଥିଲେ। ବସ ଭିତରକୁ ଯାଇ ନ ପାରି ସେ ଭାରସାମ୍ୟ ହରାଇବାରୁ ତଳେ ଖସି ପଡ଼ିଥିଲେ। ଫଳରେ ସେ ବସର ପଛ ଚକାରେ ପିଟି ହୋଇ ତଳେ ପଡ଼ି ଯାଇଥିଲେ। ଖବର ପାଇ ସୋରଡ଼ା ପୁଲିସ ଘଟଣାସ୍ଥଳରେ ପହଞ୍ଚିଥିଲେ। ଗୁରୁତର ଆହତ ହୋଇଥିବା ଯୁବକଙ୍କୁ ସଂକଟାପନ୍ନ ଅବସ୍ଥାରେ ସେଠାରୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ। ମୃତ ଯୁବକଙ୍କ ଘର ସୋରଡ଼ା ସହରର ଏନଏନରୋଡ଼ ଅଞ୍ଚଳରେ। ସେ ହରି ବେହେରାଙ୍କ ପୁଅ ଟୁଟୁ ବେହେରା ବୋଲି ଜଣାପଡିଛି

Comments
Loading...