ବିଦ୍ୟାଦାୟିନୀ ମା’ସରସ୍ୱତୀ ପୂଜା : ଚଳଚଞ୍ଚଳ ପୁରପଲ୍ଲୀ

ଭୁବନେଶ୍ୱର :ଆଜି ବିଦ୍ୟାର ଅଧିଷ୍ଠାତ୍ରୀ ଦେବୀ ମା’ ସରସ୍ୱତୀଙ୍କ ପୂଜା ଉପଲକ୍ଷେ ଚଳଚଞ୍ଚଳ ହୋଇ ଉଠିଛି ପୁରପଲ୍ଲୀ। ପ୍ରତିବର୍ଷ ମାଘମାସ ଶୁକ୍ଳପକ୍ଷ ପଞ୍ଚମୀ ତିଥିରେ ଦିନ ବିଦ୍ୟାଦାୟିନୀ ମା’ ସରସ୍ୱତୀଙ୍କୁ ପୂଜାର୍ଚ୍ଚନା କରାଯାଏ। ହଂସବାହିନୀ ଦେବୀ ସରସ୍ୱତୀଙ୍କର ପୂଜା ଓ ଆରାଧନା ସମସ୍ତ ଶିକ୍ଷାନୁଷ୍ଠାନ ବ୍ୟତୀତ ଅନ୍ୟାନ୍ୟ ଅନୁଷ୍ଠାନ ମାନଙ୍କରେ ମଧ୍ୟ କରାଯାଏ। ଛାତ୍ରଛାତ୍ରୀମାନେ ବିଭିନ୍ନ ସାଜସଜ୍ଜା ଜିନିଷ ବ୍ୟବହାର କରି ପୂଜାମଣ୍ଡପକୁ ଅତି ମନୋରମ ଭାବେ ସଜାଇ ଥାଆନ୍ତି। ମା’ଙ୍କ ମୂର୍ତ୍ତିଙ୍କୁ ପୂଜା ସ୍ଥାନରେ ରଖି ପଣ୍ଡିତେ ଯଥାବିଧି ଭାବେ ପୂଜାର୍ଚ୍ଚନା କରିବା ସହ ପିଲାମାନେ ମା’ଙ୍କୁ ପୁଷ୍ପାଞ୍ଜଳି ଅର୍ପଣ କରିବା ସହ ସରସ୍ୱତୀଙ୍କ ମୂର୍ତ୍ତି ନିକଟରେ ନିଜର ପାଠ୍ୟପୁସ୍ତୁକ, ନୂତନ କଲମ ରଖି ମା’ଙ୍କ ଆଶୀର୍ବାଦ କାମନା କରିଥାଆନ୍ତି। ଏହିଦିନ ବିଦ୍ୟାଳୟମାନଙ୍କରେ ଭୋଜି ଭାତର ମଧ୍ୟ ଆୟୋଜନ କରାଯାଏ। ମା’ ସରସ୍ୱତୀ ଶୁକ୍ଳ ବସ୍ତ୍ର ପରିଧାନ କରି କର୍ଣ୍ଣରେ ରତ୍ନବିଭୂଷିତ କୁଣ୍ଡଳ, ଗଳାରେ ପୁଷ୍ପମାଳା, ହସ୍ତରେ ବୀଣା ଓ ପୁସ୍ତକ ଧାରଣ କରି ପଦ୍ମାସନରେ ଶ୍ୱେତପଦ୍ମ ଉପରେ ବିରାଜିତ ହୋଇଥାଆନ୍ତି। ବିଦ୍ୟାର୍ଥୀଙ୍କୁ ଓ ସଙ୍ଗୀତ ସାଧକଙ୍କୁ ଅଶେଷ କୃପା ପ୍ରଦାନ କରିଥାଆନ୍ତି।

Comments
Loading...