ବିଶ୍ବନାଥପୁର ପଞ୍ଚାୟତ ସରପଞ୍ଚ ପଦ ନିମନ୍ତେ ଉପନିର୍ବାଚନ : ୫୬ ପ୍ରତିଶତ ମତଦାନ

ଗୋପାଳପୁର : ଗଞ୍ଜାମ ଜିଲ୍ଲା ରଗେଇଲୁଣ୍ଡା ବ୍ଲକ ଅନ୍ତର୍ଗତ ବିଶ୍ବନାଥ ପୁର ଗ୍ରାମପଞ୍ଚାୟତରେ ଅନୁଷ୍ଠିତ ସରପଞ୍ଚ ପଦ ନିମନ୍ତେ ଉପନିର୍ବାଚନରେ ଗୁରୁବାର ୫୬ ପ୍ରତିଶତ ମତଦାନ ହୋଇଥିବା ନିର୍ବାଚନ ଅଧିକାରୀ ତଥା କନିଷି ତହସିଲଦାର ତାପସ ରାଉତଙ୍କ ପକ୍ଷରୁ ସୂଚନା ପ୍ରଦାନ କରାଯାଇଛି। ଆସନ୍ତାକାଲି ଅର୍ଥାତ ଶୁକ୍ରବାର ଦିନ ବ୍ଲକ କାର୍ଯ୍ୟାଳୟ ପରିସରରେ ଭୋଟ ଗଣତି କରାଯିବା ସହ ନିର୍ବାଚନ ଫଳ ଘୋଷଣା କରାଯିବ ବୋଲି ଜଣାପଡିଛି।
୨୦୧୭ରେ ଅନୁଷ୍ଠିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ  ଏଠାରେ ଶିବ ସେଠୀ ସରପଞ୍ଚ ଭାବେ ନିର୍ବାଚିତ ହୋଇଥିଲେ। କିନ୍ତୁ ତାଙ୍କ ବିରୁଦ୍ଧରେ ଓ୍ବାର୍ଡ ସଭ୍ୟ ମାନେ ଅନାସ୍ଥା ପ୍ରସ୍ତାବ ଆଣିବା ପରେ ଆସ୍ଥା ଭୋଟରେ ପରାଜିତ ହେବା ସହ ପଦ ହରାଇବାକୁ ପଡ଼ିଥିଲା। ଏହି କ୍ରମରେ ସରପଞ୍ଚ ପଦବୀ ନିମନ୍ତେ ଉପନିର୍ବାଚନରେ  ବାସନ୍ତୀ ଦାସ ଓ ଶିଳ୍ପା ସେଠୀ ପ୍ରମୁଖ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିଲେ। ଅନୁଷ୍ଠିତ ହୋଇଥିବା ମତଦାନରେ ସମୁଦାୟ ୫୬୧୨ ଭୋଟରଙ୍କ ମଧ୍ୟରୁ ୩୧୬୦ ଜଣ ମତଦାତା ନିଜର ମତଦାନ ସାବ୍ୟସ୍ତ କରିଛନ୍ତି।  ପଞ୍ଚାୟତରେ ଥିବା ୨୮୨୮ ପୁରୁଷ ଭୋଟରଙ୍କ ମଧ୍ୟରୁ ୧୪୭୨ ପୁରୁଷ ଭୋଟର ଭୋଟ ସାବ୍ୟସ୍ତ କରିଥିବା ବେଳେ ୨୭୮୪ ମହିଳା ଭୋଟରଙ୍କ ମଧ୍ୟରୁ ୧୬୮୮ ଭୋଟର ନିଜ ମତ ସାବ୍ୟସ୍ତ କରିଛନ୍ତି। ଶାନ୍ତି ଶୃଙ୍ଖଳା ର ସହ ନିର୍ବାଚନ ସମାପ୍ତ ହୋଇଥିବା ବେଳେ ଶୁକ୍ରବାର ଦିନ ଭୋଟ ଗଣତି ପରେ କିଏ ପରବର୍ତ୍ତୀ ସରପଞ୍ଚ ହେବ ତାହା ଜଣାପଡିବ।
Comments
Loading...