ତିରୁଅନନ୍ତପୁରମ : ୱିକେଟରକ୍ଷକ-ବ୍ୟାଟସମ୍ୟାନ ସଞ୍ଜୁ ସାମସନ ଚଳିତବର୍ଷ ଡିସେମ୍ବର ୨୨ରେ ଦୀର୍ଘଦିନର ବାନ୍ଧବୀ ଚାରୁଙ୍କୁ ବିବାହ କରିବେ ବୋଲି ଜଣାପଡିଛି। ସଞ୍ଜୁ ନିକଟରେ ଭାବୀ ପତ୍ନୀଙ୍କ ସହ ଫଟୋକୁ ଫେସବୁକ୍ରେ ଅପ୍ଲୋଡ କରି ଏହି ସୂଚନା ଦେଇଛନ୍ତି। ମାର୍ ଇଭାନିଓସ କଲେଜରେ ଏକାଠି ପଢୁଥିବାବେଳେ ଉଭୟଙ୍କ ମଧ୍ୟରେ ପ୍ରେମସମ୍ପର୍କ ଗଢିଉଠିଥିଲା। ୨୩ ବର୍ଷୀୟ ସଞ୍ଜୁ କେରଳ ରଣଜୀ ଦଳର ଅଧିନାୟକ ଦାୟିତ୍ୱ ବହନ କରୁଥିବାବେଳେ ଘରୋଇ ସର୍କିଟ ଓ ଆଇପିଏଲରେ ଉନ୍ନତ ପ୍ରଦର୍ଶନ କରିଆସୁଛନ୍ତି। ଭାରତୀୟ ଦଳରେ ଏକାଧିକ ଥର ସ୍ଥାନ ପାଇଥିଲେ ସୁଦ୍ଧା ଚୂଡାନ୍ତ ଏକାଦଶରେ ସ୍ଥାନ ପାଇପାରିନଥିଲେ। ତେବେ ୨୦୧୫ରେ ଜିମ୍ବାୱେ ବିପକ୍ଷରେ ତାଙ୍କୁ ଗୋଟିଏ ଟ୍ୱେଣ୍ଟି୨୦ ମ୍ୟାଚ ଖେଳିବାର ସୁଯୋଗ ମିଳିଥିଲା।
