ସଞ୍ଜୟ ମିଶ୍ର ଇଡ଼ିର ଅନ୍ତରୀଣ ମୁଖ୍ୟ ନିଯୁକ୍ତ

0

ନୂଆଦିଲ୍ଲୀ : ଭାରତୀୟ ରାଜସ୍ୱ ସେବା (ଆଇଆର୍‍ଏସ୍‍) ଅଧିକାରୀ ସଞ୍ଜୟ କୁମାର ମିଶ୍ରଙ୍କୁ କେନ୍ଦ୍ର ସରକାର ଶନିବାର ପ୍ରବର୍ତ୍ତନ ନିର୍ଦେଶାଳୟ (ଇଡି)ର ଅନ୍ତରୀଣ ମୁଖ୍ୟ ଭାବେ ନିଯୁକ୍ତ କରିଛନ୍ତି। ଏଥିସହ ତାଙ୍କୁ ସଂସ୍ଥାର ମୁଖ୍ୟ ସ୍ୱତନ୍ତ୍ର ନିର୍ଦେଶକ ମଧ୍ୟ ନିଯୁକ୍ତ କରାଯାଇଛି। କର୍ଣ୍ଣାଲ ସିଂହ ଅଢେଇ ବର୍ଷରୁ ଊର୍ଦ୍ଧ୍ବ ସମୟ ଇଡି ମୁଖ୍ୟ ଭାବେ କାର୍ଯ୍ୟ କରିବା ପରେ ଶନିବାର ଅବସର ଗ୍ରହଣ କରିଛନ୍ତି। ତାଙ୍କ ସ୍ଥାନରେ ମିଶ୍ରଙ୍କୁ ଅନ୍ତରୀଣ ଦାୟିତ୍ୱ ଦିଆଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବାଧୀନ ନିଯୁକ୍ତି ସମ୍ବନ୍ଧୀୟ କ୍ୟାବିନେଟ୍‍ କମିଟି ତାଙ୍କ ନିଯୁକ୍ତୁ ଅନୁମୋଦନ କରିଛି। ୧୯୮୪ ବ୍ୟାଚ୍‍ କେନ୍ଦ୍ରଶାସିତ ଅଞ୍ଚଳ ଆଇଆର୍‍ଏସ୍‍ ଅଧିକାରୀ ଦିଲ୍ଲୀଠାରେ ଆୟକର ବିଭାଗର ମୁଖ୍ୟ କମିସନର ଅଛନ୍ତି। ଇଡିର ମୁଖ୍ୟ ସ୍ୱତନ୍ତ୍ର ନିର୍ଦେଶକ ନିଯୁକ୍ତ ହେବାରେ ସେ ହେଉଛନ୍ତି ଦ୍ୱିତୀୟ ବ୍ୟକ୍ତି। ସଂସ୍ଥାରେ ନୂତନ ଭାବେ ସୃଷ୍ଟି ହୋଇଥିବା ଏହି ପଦବୀରେ ତାଙ୍କ ପୂର୍ବରୁ ୧୯୮୮ ବ୍ୟାଚ ଆଇଆର୍‍ଏସ୍‍ ଅଧିକାରୀ ସୀମାଚଳ ଦାସ ନିଯୁକ୍ତ ଥିଲେ। ଇଡି ମୁଖ୍ୟ ଭାବେ ମିଶ୍ରଙ୍କୁ ତିନି ମାସ ପାଇଁ ଦାୟିତ୍ୱ ପ୍ରଦାନ କରାଯାଇଛି ବୋଲି କ୍ୟାବିନେଟ କମିଟି ପକ୍ଷରୁ ସୂଚନା ଦିଆଯାଇଛି।

Comments
Loading...