ବାଲୁକା କଳା ମାଧ୍ୟମରେ ବୃକ୍ଷ ଓ କଇଁଛ ସୁରକ୍ଷା ନେଇ ସଚେତନତା

ଗୋପାଳପୁର :  ଗୋପାଳପୁର ବେଳାଭୂମିରେ  ବାଲୁକା ଶିଳ୍ପୀ ସତ୍ୟ ନାରାୟଣ ମହାରଣାଙ୍କ ନେତୃତ୍ୱରେ ବ୍ରହ୍ମପୁର ସବୁଜ ବାହିନୀ, ଆଞ୍ଚଳିକ ବିକାଶ ପରିଷଦ ଏବଂ ସତ୍ୟ ଆର୍ଟ ଏଣ୍ଡ କ୍ରାଫ୍ଟର ମିଳିତ ସହଯୋଗରେ ବାଲୁକା କଳା କୃତି ମାଧ୍ୟମରେ ବୃକ୍ଷ ଓ କଇଁଛ (ଅଲିଭ ରିଡ଼ଲେ)ର ସୁରକ୍ଷା ନେଇ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଏହି ଅବସରରେ ଶିଳ୍ପୀମାନେ ଛୋଟ ବଡ ୧୦୧ ଟି କଇଁଛ ବେଳାଭୂମିରେ ନିର୍ମାଣ କରି ସଚେତନ କରାଇଥିଲେ। ଆନ୍ତର୍ଜାତିକ ଖ୍ୟାତି ସମ୍ପନ୍ନ ବାଲୁକା ଶିଳ୍ପୀ ସତ୍ୟ ନାରାୟଣ ମହାରଣା ଏହି ଅବସରରେ ସୂଚନା ଦେଇଥିଲେ ଯେ ଅଲିଭ ରିଡଲେ କଇଁଛ ନିମନ୍ଗତେ ଞ୍ଜାମରେ ଆଜି ସାରା ବିଶ୍ବରେ ଏକ ସତ୍ବନ୍ତ୍ର ସ୍ଥାନ ପାଇ ପାରିଛି, ଏଣୁ ଏହି ବିରଳ ତଥା ଦୀର୍ଘ ବର୍ଷ ଧରାପୃଷ୍ଠରେ ବଞ୍ଚି ରହି ପାରୁଥିବା ଅଲିଭ ରିଡଲେର ସୁରକ୍ଷା କରିବା ଆମ ମାନଙ୍କର କର୍ତ୍ତ୍ୟବ ଅଟେ ଏଣୁ ଆଜି ବାଲୁକା କଳା ମାଧ୍ୟମରେ ପର୍ଯଟକଙ୍କ ସମେତ ସ୍ଥାନୀୟ ଲୋକଙ୍କୁ ସଚେତନ କରାଇବା ସହ ଆଗକୁ ଗ୍ରୀଷ୍ମ ଋତୁ ଆରମ୍ଭ ହେବାକୁ ଯାଉଥିବା ଯୋଗୁଁ ବୃକ୍ଷକୁ ନଷ୍ଟ ନ କରିବା ସହ ବୃକ୍ଷରୋପଣ କରିବାକୁ ସମସ୍ତଙ୍କୁ ଆହ୍ବାନ ଦେଇଥିଲେ। ଏହି ଅବସରରେ  ଗଞାମ ଡିଏଫ୍ଓ ଅମ୍ଳାନ ନାୟକ ବେଳା ଭୂମିରେ ପହଞ୍ଚି ବାଲୁକା କୃତି ଦେଖିବା ସହ  ଶିଳ୍ପୀ ମାନକୁ ଉଚ୍ଚ ପ୍ରଶଂସା କରିଥିଲେ। ପରେ ଶିଳ୍ପୀ ମାନଙ୍କ ସହ ସାମିଲ ହୋଇ ବେଳାଭୂମି ସଫେଇ କରିଥିଲେ। ଅନ୍ୟମାନଙ୍କ ମଧ୍ୟରେ ସାଗର କୁମାର ପାଣିଗ୍ରାହୀ, ଶିବରାମ ପାଣିଗ୍ରାହୀ, ବିଜେନ୍ଦ୍ର ମାଝୀ, ଟି . ଦୁର୍ଗା ପ୍ରସାଦ, ସନିଆ ଗଉଡ, କେ. କବିତା, ଡ଼ଲି ସାହୁ, ଗଣେଶ ପାଣିଗ୍ରାହୀ, ସଞ୍ଜୟ ପାତ୍ର, ପ୍ରଣୟ କୁମାର ପ୍ରମୁଖ ସହଯୋଗ କରିଥିଲେ।
Comments
Loading...