ସାମସଙ୍ଗ କମ୍ପାନୀ ତରଫରୁ ଏମିତି ଏକ ଡିସ୍ପ୍ଲେ ପ୍ରସ୍ତୁତ ହୋଇଛି ଯାହାକୁ ହାତୁଡିରେ ପିଟିଲେ ମଧ୍ୟ ଭାଙ୍ଗିବନି। ଏହି ଡିସ୍ପ୍ଲେଟି ବହୁତ୍ ମଜଭୁତ୍ ହୋଇଛି। ଏଥିପାଇଁ ଗବେଷଣାଗାରରେ ଅନେକ ଥର ପରୀକ୍ଷା ନିରୀକ୍ଷା କରାଯାଇଛି। ଏହି ଡିସପ୍ଲେକୁ ତଳେ ପକାଇ ପରୀକ୍ଷା କରାଯାଇଥିଲା। ସବୁଠାରୁ ଖାସ୍ କଥା ହେଉଛି ଏହି ଡିସପ୍ଲେକୁ ଆପଣ ସ୍ମାର୍ଟ ଫୋନ୍ରେ ବ୍ୟବହାର କରିବା ସହିତ କମ୍ପ୍ୟୁଟର, ଲାପଟପ୍ ଭଳି ଅନେକ ଇଲେକଟ୍ରୋନିକ୍ ସାମଗ୍ରୀରେ ବ୍ୟବହାର କରିପାରିବେ। ଶୁଣାଯାଉଛି ସାମସଙ୍ଗ୍ କମ୍ପାନୀ ପ୍ରସ୍ତୁତ କରିଥିବା ଏହି ଡିସପ୍ଲେକୁ ପ୍ରଥମଥର ପାଇଁ ସାମସଙ୍ଗ୍ ଗ୍ୟାଲେକ୍ସି ନୋଟ୍-୯ଫୋନରେ ବ୍ୟବହାର କରିବ।
ସାମସଙ୍ଗ୍ କମ୍ପାନୀର ଏହି ଡିସପ୍ଲେକୁ ଆମେରିକାର ଅଣ୍ଡରରାଇଟର ଗବେଷଣାଗାର ପ୍ରସ୍ତୁତ କରିଛି। ଅଣ୍ଡରରାଇଟର ଗବେଷଣାଗାର ଆମେରିକାର ଶ୍ରମ ବିଭାଗ ବ୍ୟବସାୟିକ ସୁରକ୍ଷା ଏବଂ ସ୍ୱାସ୍ଥ୍ୟ ପ୍ରଶାସନ(ଓଏସ୍ଏଚ୍ଏ) ପାଇଁ କାମ କରୁଛି।
୪ଫୁଟ ଉଚ୍ଚରୁ ୨୬ ଥର ତଳକୁ ଫୋପାଡି ସାମସଙ୍ଗ୍ର ଏହି ଡିସପ୍ଲେକୁ ଟେଷ୍ଟ କରାଯାଇଥିଲା, ଏତେ ଉପରୁ ତଳକୁ ଫୋପଡା ଯାଇଥିଲେ ମଧ୍ୟ ଡିସପ୍ଲେ ଉପରେ ଏହାର କୌଣସି ପ୍ରଭାବ ପଡିନଥିଲା। ଏମିତିକି ଡିସପ୍ଲେରେ ଟିକିଏ ମଧ୍ୟ ଦାଗ ହୋଇନଥିଲା। ଏହାବ୍ୟତୀତ ୭୧ଡିଗ୍ରୀ ଏବଂ ମାଇନସ୍ ୩୨ଡିଗ୍ରୀ ତାପମାତ୍ରାକୁ ସହିବାର କ୍ଷମତା ଏହାର ରହିଛି। ବର୍ତ୍ତମାନ ପର୍ଯ୍ୟନ୍ତ ସାମସଙ୍ଗ୍ କମ୍ପାନୀ ଏହାର କୌଣସି ନାମକରଣ କରିନାହିଁ।
