ରାହୁଳ ଗାନ୍ଧୀଙ୍କୁ ସମ୍ବିତ୍ ପାତ୍ରଙ୍କ ତେରଛା ବାଣ: କହିଲେ- ସେ ଭାବୁଛନ୍ତି ’ରବି’ ଓ ’ଖରିଫ’ ବିଜେପି କର୍ମୀ

ନୂଆଦିଲ୍ଲୀ: ଗତ କିଛି ଦିନ ହେବ କେନ୍ଦ୍ର ସରକାରଙ୍କ କୃଷି ଆଇନ ବିରୋଧରେ କୃଷକମାନେ ଆନ୍ଦୋଳନ ଜାରି ରଖିଛନ୍ତି ଏବଂ ଏହି ଆଇନ ପ୍ରତ୍ୟାହାର ପାଇଁ କ୍ରମାଗତ ଦାବି କରୁଛନ୍ତି। ଏହି ସମୟରେ ବିରୋଧୀ କୃଷକଙ୍କ ପ୍ରଦର୍ଶନକୁ ସମ୍ପୂର୍ଣ୍ଣ ସମର୍ଥନ ଜାରି ରଖିଛନ୍ତି, କିନ୍ତୁ ସରକାର ଏବଂ ବିଜେପି ବିରୋଧୀ ଦଳ ଉପରେ ଆକ୍ରମଣ ଜାରି ରଖିଛନ୍ତି। ବିଜେପି ମୁଖପାତ୍ର ସମ୍ବିତ ପାତ୍ର ଏହି ସମୟରେ କଂଗ୍ରେସ ନେତା ରାହୁଳ ଗାନ୍ଧୀଙ୍କୁ ମାରିଛନ୍ତି ତେରଛା ବାଣ । ରାହୁଳ ଜାଣନ୍ତି ନାହିଁ ରବି ଓ ଖରିଫ କ’ଣ । ରବି ଓ ଖରିଫକୁ ସେ ବିଜେପି କର୍ମୀ ବା କର୍ମକର୍ତା ବୋଲି ଭାବୁଛନ୍ତି ବୋଲି ସମ୍ବିତ ପାତ୍ର କହିଛନ୍ତି ।

कृषि कानून को लेकर राहुल गांधी और केजरीवाल पर बरसे संबित पात्रा – ‘राहुल गांधी को रबी-खरीफ की समझ नहीं, केजरीवाल सत्ता के भूखे हैं’@sambitswaraj @BJP4India @RahulGandhi pic.twitter.com/JFy2gDRfc0

— Newsroom Post (@NewsroomPostCom) December 14, 2020

ରାହୁଳଙ୍କୁ କଟାକ୍ଷ କରି ସମ୍ବିତ ପାତ୍ର କହିଛନ୍ତି ଯେ ସେ ଚାଷୀଙ୍କ ବିଷୟରେ କିଛି ଜାଣନ୍ତି ନାହିଁ । ଚାଷ କଣ ତାଙ୍କର ଧାରଣା ନାହିଁ । କିନ୍ତୁ ଚାଷୀଙ୍କୁ ଦ୍ବନ୍ଦ୍ବରେ ପକାଇବା ପାଇଁ ବାରମ୍ବାର ଟ୍ବିଟ କରୁଛନ୍ତି । ରାହୁଳ ଗାନ୍ଧୀ ଚାଷ ଓ ଫସଲକୁ କେତେ ବୁଝନ୍ତି ମୋତେ ଜଣାନାହିଁ । ଅବଶ୍ୟ ତାଙ୍କ ଭିଣୋଇ ଜଣେ ଚାଷୀ ବୋଲି ସେ କହନ୍ତି । କିନ୍ତୁ ଏବେ ସେମାନେ ରବି ଓ ଖରିଫ ଫସଲକୁ ବି ବିଜେପି କର୍ମୀ ବୋଲି ବିବେଚନା କରିବା ପରି କଥା କହୁଛନ୍ତି । ସେମାନେ ଜାଣନ୍ତି ନାହିଁ ଯେ ରବି ଓ ଖରିଫ ଦୁଇଟି ଫସଲ ଋତୁ ।

ସୂଚନାଯୋଗ୍ୟ ଯେ  ରାହୁଲ ଗାନ୍ଧୀ କ୍ରମାଗତ ଭାବରେ କୃଷକଙ୍କ ପ୍ରଦର୍ଶନକୁ ସମର୍ଥନ କରୁଛନ୍ତି ଏବଂ କେନ୍ଦ୍ର ସରକାରଙ୍କୁ କୃଷକଙ୍କ ସହ ଅସଦାଚରଣ କରିଥିବା ଅଭିଯୋଗ କରିଛନ୍ତି।

किसान चाहता है कि उसकी आय पंजाब के किसान जितनी हो जाए।

मोदी सरकार चाहती है कि देश के सब किसानों की आय बिहार के किसान जितनी हो जाए। pic.twitter.com/8lqEfUf2td

— Rahul Gandhi (@RahulGandhi) December 11, 2020

ରାହୁଲ ଟୁଇଟ୍ କରି ଲେଖିଛନ୍ତି ଯେ ଚାଷୀ ଚାହୁଁଛନ୍ତି ଯେ ତାଙ୍କ ଆୟ ପଞ୍ଜାବର ଚାଷୀଙ୍କ ପରି ହେଉ। ମୋଦୀ ସରକାର ଚାହୁଁଛନ୍ତି ଯେ ଦେଶର ସମସ୍ତ ଚାଷୀଙ୍କ ଆୟ ବିହାରର କୃଷକଙ୍କ ପରି ହେଉ। ଦେଶର କୃଷକ ବୁଝିଛନ୍ତି ଯେ ମୋଦୀ ସରକାର ତାଙ୍କ ପ୍ରତି ବିଶ୍ୱାସଘାତକତା କରିଛନ୍ତି ଏବଂ ବର୍ତ୍ତମାନ ସେ ପଛକୁ ଫେରିଯିବେ ନାହିଁ କାରଣ ସେ ଜାଣନ୍ତି ଯେ ଯଦି ସେ ଆଜି ଆପୋଷ ବୁଝାମଣା କରନ୍ତି ତେବେ ତାଙ୍କ ଭବିଷ୍ୟତ ବଞ୍ଚିବ ନାହିଁ। କୃଷକ ହେଉଛନ୍ତି ହିନ୍ଦୁସ୍ତାନ! ଆମେ ସମସ୍ତେ ଚାଷୀଙ୍କ ସହିତ ଅଛୁ ବୋଲି ରାହୁଳ କହିଥିଲେ ।